නීතිඥ භාවය අහෝසි කෙරුණු නාගානන්ද කොඩිතුවක්කුට මින් මතුවට මහජන සුභසාධන නඩුකර සඳහා ද පෙනී සිටිය නොහැකි බව ශ්රේෂ්ඨාධිකරණය විසින් නියෝග කර තිබෙනවා.
නාගානන්ද කොඩිතුවක්කු සම්බන්ධයෙන් පෙරේදා (29) දින ප්රකාශයට පත් කෙරුණු නඩු තීන්දුවේ මේ බව සඳහන්.
ප්රියන්ත ජයවර්ධන, ප්රීති පද්මන් සූරසේන සහ එස්. තුරෙයිරාජා යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් මෙම තීන්දුව ඊයේ ප්රකාශයට පත්කරනු ලැබුවා.
නාගානන්ද කොඩිතුවක්කු විසින් ශ්රේෂ්ඨාධිකරණයට ලබා දුන් දිවුරුම් පෙත්සමක් තුළින් අගවිනිසුරුවරයා ඇතුළු විනිසුරුවරුන්ට අවමන් සහගත ආකාරයෙන් ප්රකාශ සිදු කිරීම තුළින් වෘත්තීය විෂමාචාර ක්රියාවක නිරත වූ බවට චෝදනා කොට නීතිපතිවරයා විසින් ශ්රේෂ්ඨාධිකරණය හමුවේ චෝදනා පත්රයක් ගොනු කර තිබුණා.
එම චෝදනා පත්රය විභාග කළ ත්රිපුද්ගල විනිසුරු මඩුල්ල අදාළ චෝදනාවලට වගඋත්තර නාගානන්ද කොඩිතුවක්කු වරදකරු කරන බව සඳහන් කළා.
ඉන් අනතුරුව ඔහුගේ නීතිඥ භාවය අහෝසි කිරීමට තීන්දු කළ ශ්රේෂ්ඨාධිකරණය ඔහුට මින් මතුවට මහජන සුබසාධන නඩුකරවලට පෙනී සිටිය නොහැකි බවත් අදාළ තීන්දුවේ සඳහන් කර තිබෙනවා.
