2022 වසරට අදාළ ඉන්දීය ප්‍රීමියර් ලීග් ක්‍රිකට් තරගාවලිය අද (26) ආරම්භ වීමට නියමිතයි. ඒ මෙම පන්දුවාර 20-20 ක්‍රිකට් තරගාවලිය අද දින ඇරඹෙන්නේ එහි 15 වැනි තරගාවලිය ආරම්භ කරමින්. අද දිනයේ දී සමාරම්භක තරගාවලියට මුහුණ දීමට තරග බිමට පිවිසෙන්නේ චෙන්නායි සුපර් කිංග්ස් කණ්ඩායම සහ කොල්කටා නයිට් රයිඩර්ස් කණ්ඩායමයි.
චෙන්නායි පිළේ නායකත්වය දිගු කලක සිට හොබවනු ලැබුවේ ඉන්දීය සුපිරි ක්‍රිකට් ක්‍රීඩක මහේන්ද්‍ර සිං දෝනි වන අතර පසුගිය බදාදා දිනයේ දී ඔහු සිය නායකත්වය ඉන්දීය තුන් ඉරියව් ක්‍රීඩක සහ චෙන්නායි පිළේ අත්‍යවශ්‍ය ක්‍රීඩක භූමිකාව නියෝජනය කරනු ලබන රවීන්ද්‍ර ජඩේජා වෙත පවරනු ලැබුවා. කොල්කටා කණ්ඩායමේ නායකත්වය හිමි ව ඇත්තේ සුපිරි පිතිකරුවෙකු වන ශ්‍රියාර්ස් අයියර් විසින්. කණ්ඩායම් 10ක සහභාගීත්වයෙන් යුතු ව ඇරඹෙන මෙවර තරගාවලිය අද පැවැත්වෙන්නේ ඉන්දියාවේ – වන්කඩේ ක්‍රිකට් ක්‍රීඩාංගණයේ දී යි.
