නිවාසවලට පැන මුදල් හා රන් භාණ්ඩ මෙන් ම ජංගම දුරකථන ඇතුළු වටිනා භාණ්ඩ රැසක් සොරාගත් පුද්ගලයකු එගොඩඋයන පොලිසිය අත්අඩංගුවට ගෙන තිබෙනවා.
මෙම සැකකරු අත් අඩංගුවට ගන්නා අවස්ථාවේ දී ඔහු සන්තකයේ තිබී ජීව අත් බෝම්බයක් ද සොයා ගැනුණා.
සැකකරු සොරකම් කරන ලද භාණ්ඩවල වටිනාකම රුපියල් ලක්ෂ 14ක් පමණ බවත් හෙළි ව තිබෙනවා.
මෙම සැකකරු 28 හැවිරිදි අයෙක් වන අතර, ඔහු එගොඩඋයන, මෝදර – ජයගත්පුර ප්රදේශයේ පදිංචි ‘එගොඩඋයන ලාරා’ නමැති අන්වර්ථ නාමයෙන් හඳුන්වන අයෙක්.
ගෙවල් බිඳුම් රැසක් පිළිබඳ ව එගොඩඋයන පොලීසිය වෙත පැමිණිලි ලැබි ඇති අතර ඒ අනුවයි මෙම විමර්ශන සිදු කෙරුණේ.
මෙම සැකකාර තැනැත්තා 2023 වර්ෂයේ ද විවිධ අපරාධ සිදුකර රක්ෂිත බන්ධනාගාරගත කර ඉන් ඇප මත නිදහස් ව පැමිණි අයෙක්.
සිද්ධිය සම්බන්ධයෙන් පුළුල් විමර්ශන ක්රියාත්මකයි.
ඔබේ ප්රතිචාරය කුමක්ද ?
+1
+1
+1
+1
+1
+1
2
+1
