ශ්‍රීලන්කන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේනගේ මරණය පිළිබඳ ඉදිරි විමර්ශන කොළඹ අපරාධ කොට්ඨාශයට භාර දී ඇති බව පොලිසිය සඳහන් කළා.
සියදිවි හානිකරගෙන මියගිය බවට සැක කෙරෙන ඔහුගේ මෘත ශරීරය සම්බන්ධයෙන් වූ පශ්චාත් මරණ පරීක්ෂණය අධිකරණ වෛද්‍ය හා විෂවේද ආයතනයේ දී මේ වන විට පැවැත්වෙන බවයි වාර්තා වුණේ.
ඒ, සඳහා පස්දෙනෙකුගෙන් යුත් විශේෂඥ අධිකරණ වෛද්‍ය මණ්ඩලයක් පත්කර තිබෙනවා.
මෙම මණ්ඩලයේ සභාපතිත්වය කොළඹ ප්‍රධාන විශේෂඥ අධිකරණ වෛද්‍ය නිලධාරී ශ්‍රියන්ත අමරරත්නට හිමිව තිබෙනවා.
ශ්‍රීලන්කන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේනගේ මළ සිරුර කොල්ලුපිටිය ප්‍රදේශයේ නිවසක තිබිය දී ඊයේ (08) උදෑසන සොයා ගත්තා.
ඔහු එලෙස මියගොස් තිබුණේ ඔහුව අත්අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් අධිකරණයෙන් වරෙන්තුවක් නිකුත් කර තිබූ අවස්ථාවකයි.
