ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ මරණය පිළිබඳ සාක්ෂි විභාගය කොටුව මහේස්ත්රාත් අධිකරණය හමුවේ අද (12) පැවැත්වුණා.
කපිල චන්ද්රසේන මහතාගේ දේහය පසුගියදා කොල්ලුපිටියේ පිහිටි නිවසක දී සොයා ගැනුණා.
එම නිවස ඔහුගේ බිරිඳගේ සොහොයුරියගේ නිවස වන අතර සොහොයුරිය වන ප්රියංගි අනුෂ්කා විජේනායක සහ ඇයගේ සැමියා වන අරවින්ද ද සිල්වා යන අය කොටුව මහේස්ත්රාත් හමුවේ අද (12) සාක්ෂි ලබාදුන්නා.
කපිල චන්ද්රසේන මහතා මියයනවිට ඇද සිට ඇදුම් ඇතුළු නඩු භාණ්ඩ රජයේ රස පරීක්ෂක වෙත යොමුකිරීමට කොළඹ අපරාධ කොට්ඨාසය කළ ඉල්ලීමට අධිකරණය අවසර ලබාදුන්නා.
ඔහු සතුව තිබී භාරයට ගත් පුද්ගලික බැංකු කාඩ්පත විමර්ශන අවසන් තුරු අක්රීය කරන ලෙස කළ ඉල්ලීමට ද අවසර ලැබුණා.
ඔහුගේ ජාතික හැදුනුම්පතට අදාළ දුරකතන දත්ත ලබාගැනීමට අවසර ලබාදෙන ලෙස පොලීසිය ඉල්ලා සිටියා.
ජංගම දුරකතන මුරපදය ඔහුගේ මුහුණ බැවින් මෘතදේහය සමග එය සංසන්දනය නොවූ බවත් ඒ සම්බන්ධයෙන් දුරකතන සමාගමෙන් විමසා ඉදිරි කටයුතු සිදුකිරීමට ද අපරාධ පරීක්ෂණ දෙපාර්තමේන්තුව අධිකරණයෙන් ඉල්ලා සිටියා.
වැඩිදුර සාක්ෂි විමසීම ලබන 14 වනදා තෙක් කල්තැබුවා.
