කතරගම වැඩසිටි කන්ද මාර්ගයේ සිදු වූ වෙඩි තැබීමකින් පුද්ගලයෙකු තුවාල ලබා තිබෙනවා.
වැඩසිටි කන්ද මාර්ගයේ රථ ගාල ආසන්නයේදී යතුරුපැදියකින් පැමිණි පුද්ගලයන් දෙදෙනෙකු වෙඩි තැබීම සිදුකර පළා ගොස් ඇති බවයි වාර්තා වන්නේ.
වෙඩි ප්රහාරයෙන් තුවාල ලබා ඇත්තේ යතුරුපැදියකින් ගමන් කරමින් සිටි සටන් කලා උපදේශකවරයෙකු ලෙසට කටයුතු කරන 46 හැවිරිදි පුද්ගලයෙක්.
ඔහුගේ දකුණු පාදයට වෙඩි වැදී ඇති අතර එම යතුරුපැදියේ ගමන් කළ අනෙක් පුද්ගලයාට හානියක් සිදු වී නැහැ.
තුවාලකරු කතරගම ප්රාදේශීය රෝහලට ඇතුලත් කර ඇති අතර සිද්ධිය සම්බන්ධයෙන් කතරගම පොලිසිය පරීක්ෂණ සිදු කරනවා.
