කඩුවෙල පොලිස් වසමේ කඩුවෙල පාලම යට කැලණි ගඟෙහි තිබී සැකකටයුතු ලෙස මියගිය පුද්ගලයෙකුගේ මෘත ශරීරයක් සොයාගෙන තිබෙනවා.
කඩුවෙල පොලිස් ස්ථානය වෙත ලද තොරතුරක් මත ඊයේ (28) මෙම මළ සිරුර සොයාගත් බවයි පොලිසිය සඳහන් කළේ.
මරණකරුගේ අනන්‍යතාවය මෙතෙක් තහවුරු වී නොමැති අතර, මෘත ශරීරය වයස අවුරුදු 35ත් 40ත් අතර වයසේ පසුවන පිරිමි පුද්ගලයෙකුගේ බවයි වාර්තා වන්නේ.
කලිසමක පාද කොටස් ගැට ගසා එහි ගල් පුරවා මරණකරුගේ ඉනෙහි ගැට ගසා තිබී ඇති බවයි පොලිසිය විසින් සිදුකළ විමර්ශනවල දී අනාවරණය වී ඇත්තේ.
මෘත ශරීරය සම්බන්ධයෙන් පශ්චාත් මරණ පරීක්ෂණ සඳහා අධිකරණ වෛද්‍ය හා විෂවේද ආයතනය වෙත භාර දී තිබෙනවා.
කඩුවෙල පොලිසිය වැඩිදුර විමර්ශන සිදුකරනු ලබනවා.
පුලුවන් හැම තැනකම CCTV හයි කරලා හොඳ විමර්ශණ ක්‍රියාදාමයක් සකස් කරන්න වෙයි ආන්ඩුවට. මෙහෙම ගියොත් සාක්කි නෑ කියල කලිසමේ අතපිහිදගෙන ජනතාවගෙන් සම්මව අරන් අවුරුද්දු පහෙන් ගෙදර යන්න වේවි පල් හොරුන්ට ආයෙ රට දීල. නීතියත් පොලීසියත් ස්වාධීන කලා නම් මෙහෙම රටේ හැම දවසකම එකිනෙකට වෙනස් විදියේ ව්‍යසන වෙන්නෙ කෝමද කියල ආරක්ශ අංශ සහ ඒ භාර ඇත්තො සොයා බලන්න ඕන කියල අපි යෝජනා කරනවා. මේ වගකීම්වලින් කාටවත් බේරෙන්න බෑ.