Rajapura Handi Oil
Rajapura Diabetic Powder

කටුනායක – නිට්ටඹුව ප්‍රධාන මාර්ගය අවහිර වෙයි ? (නිවේදනය)

ශ්‍රී නාගේන්ද්‍රාරාම විහාරස්ථානයේ මිහිඳු මහා පෙරහැර පැවැත්වීම හේතුවෙන් කටුනායක – නිට්ටඹුව ප්‍රධාන මාර්ගය අවහිර වීම සම්බන්ධයෙන් පොලිස් මාධ්‍ය ප්‍රකාශක කාර්‍යාලය නිවේදනයක් නිකුත් කර තිබෙනවා.

එම නිවේදනයේ දැක්වෙන්නේ වේයන්ගොඩ පොලිස් වසමේ ශ්‍රී නාගේන්ද්‍රාරාම විහාරස්ථානය මගින් හෙට (21) දිනට යෙදී ඇති පොසොන් පොහොය නිමිත්තෙන් සෑම වසරක ම අති උත්කර්ෂවත් අයුරින් පවත්වනු ලබන මිහිඳු මහා පෙරහැර මෙවරත් පැවැත්වීම කරණකොටගෙන මෙම ප්‍රධාන මාර්ගය අවහිර වනු ඇති බවයි.

මේ හේතුවෙන් පොසොන් පොහොය යෙදෙන හෙට දිනයේ දී සවස 06 සිට මධ්‍යම රාත්‍රී 12 තෙක් පැය 06ක කාලයක් විහාර භූමියෙන් ඇරඹෙන මෙම පෙරහැර වේයන්ගොඩ දුම්රිය හරස් මාර්ගය හරහා එළුවාපිටිය මෝල හන්දිය තෙක් ගමන් කර නැවත එම මාර්ගයේ ම පැමිණෙන බැවින් මගීන්ට සහ රියදුරන්ට ඉන් බාධාවක් ඇති විය හැකි බව ද එම නිවේදනයේ සඳහන්.

එම කාලය තුළ නිට්ටඹුව – කටුනායක ප්‍රධාන මාර්ගයේ අධික රථ වාහන තදබදයක් ඇති විය හැකි බැවින් පෙරහර ගමන් ගන්නා කාලය තුළ පහත නිවේදනයේ දැක්වෙන විකල්ප මාර්ග භාවිතා කරන ලෙසත් පොලිසිය මහජනතාවගෙන් ඉල්ලීමක් කරනවා.