අද පෙරවරුවේ කටුනායක ගුවන්තොටුපලේදී අත්අඩංගුවට ගෙන අධිකරණයට ඉදිරිපත් කෙරුණු අරගල ක්රියාකාරී රන්දිමාල් ගමගේ ඇප මත නිදහස් කර තිබෙනවා.
කොළඹ ප්රධාන මහේස්ත්රාත් අධිකරණයයි අද මෙම නියෝගය ලබාදුන්නේ.
සැකකරු අද අලුයම ඩුබායි සිට පැමිණෙමින් සිටියදී කටුනායක ගුවන් තොටුපළ පැමිණීමේ පර්යන්තයේ දී ගුවන් තොටුපළ පොලිසියේ නිලධාරීන් පිරිසක් විසින් අත් අඩංගුවට ගනු ලැබුවා.
සැකකරු රාජ්ය පරිපාලන අමාත්යාංශයේ සංවර්ධන නිලධාරීවරයෙකු ලෙස සේවය කරන අතර ගාල්ල, කරාපිටිය ප්රදේශයේ පදිංචිකරුවෙක්.
සැකකරු අද ඩුබායි සිට පැමිණෙමින් සිටියදී ආගමන විගමන දෙපාර්තමේන්තු නිලධාරීන් ලියකියවිලි පරීක්ෂා කිරීමේදී හෙළිවී ඇත්තේ මොහුට රටින් පිටවීම තහනම් කරමින් ගුවන් ගමන් තහනමක් පනවා ඇති බවටයි.
එහෙත් ඔහුට රටට ඇතුළු වීමට තහනමක් නොමැති නිසා ඔහු එතැනින් නිදහස් කිරීම සිදු වනවාත් සමගම කටුනායක ගුවන් තොටුපළ පොලිසියේ නිලධාරීන් පිරිසක් පැමිණ සැකකරු අත්අඩංගුවට ගැනීම සදහා ලිඛිත දැන්වීමක් ඉදිරිපත් කර අත් අඩංගුවට ගෙන තිබෙනවා.
ඒ පවාහිනී සංස්ථාවට ඇතුළු වී රජයේ දේපළවලට අලාභ හානි සිදු කිරීම යන චෝදනාව යටතේ කුරුඳුවත්ත පොලිසියේ ඉල්ලීම අනුවයි.
සැකකරු වෙනුවෙන් කටුනායක ගුවන් තොටුපළ පොලිසිය ඉදිරිපිට අරගලයේ ක්රියාකාරීන් පිරිසක් රැස්ව සිටි අතර ඔවුන් මෙම අත් අඩංගුවට ගැනීමට එරෙහිව විරෝධතාවයක් දැක්වීම ද සිදු කෙරුණා.
සැකකරු අධිකරණයට ඉදිරිපත් කිරීමෙන් පසු නීතිඥවරුන් ඉදිරිපත් කළ කරුණු සලකා බැලූ ප්රධාන මහෙස්ත්රාත්වරයා නියෝග කළේ සැකකරු රුපියල් ලක්ෂ දෙක බැගින් වූ ශරීර ඇප දෙකක් මත මුදාහරින ලෙසටයි.
පැමිණිල්ල නැවත ලබන 09 වනදා කැඳවන ලෙසද නියෝග කර තිබෙනවා.
