කටාන ප්රාදේශීය සභාවේ හිටපු උප සභාපතිවරයාගේ ඝාතනයට සම්බන්ධ සැකකරු එම ඝාතනයෙන් අනතුරුව වස පානය කර රෝහල් ගතව ප්රතිකාර ලබමින් සිටිය දී අත්අඩංගුවට ගෙන තිබෙනවා.
මෙම සැකකරු වරකාපොළ රෝහලේ දැඩි සත්කාර ඒකකයේ ප්රතිකාර ලබමින් සිටිය දී අත්අඩංගුවට ගත් බවයි පොලිසිය සඳහන් කළේ.
කටාන ප්රාදේශීය සභාවේ හිටපු උප සභාපති වන පීටර් හපුආරච්චි නැමැත්තා ඔහුට අයත් වනාතවිල්ලුව ප්රදේශයේ පිහිටි නිවසක අභිරහස් ලෙස ඝාතනය කර සිටිය දී සොයාගත්තේ පසුගිය 29 වනදායි.
මෙම ඝාතනය සම්බන්ධයෙන් පොලීසිය සිදුකළ විමර්ශනවලදී වත්තේ මුරකාර යුවළ අතුරුදන්ව ඇතැයි අනාවරණය වුණා.
ඒ, අනුව සැකකරුවන් අත්අඩංගුවට ගැනීම සඳහා මෙහෙයුම් ක්රියාත්මක කළ අතර, මුරකරු වරකාපොළ, නියඳුරුපොළ ප්රදේශයේ පදිංචිකරුවකු බවට තහවුරු කර ගැනුණා.
මෙසේ තිබියදී නියඳුරුපොළ ප්රදේශයේ පුද්ගලයෙකු පානය කර සිටිය දී වරකාපොළ මුලික රෝහලට පසුගිය 29 වනදා ඇතුලත් කර තිබෙනවා.
හිටපු උප සභාපතිගේ ඝාතනය සම්බන්ධයෙන් විමර්ශන පවත්වන වනාතවිල්ලුව පොලිසිය වරකාපොළ පොලීසිය හා එක්ව කළ වැඩිදුර මෙහෙයුම් වල දී සැකකරු රෝහලේ දැඩි සත්කාර ඒකකයේ ප්රතිකාර ලබමින් සිටින බවට කරුණු අනවරණය කරගෙන තිබෙනවා.
අනතුරුව ඊයේ (01) දිනයේ දී රන්පොඩි දේවගේ රවින්ද්ර ධර්මසිරි නැමති අදාළ සැකකරු අත්අඩංගුවට ගෙන පොලිස් ආරක්ෂාව යටතේ රෝහලේ ප්රතිකාර සඳහා යොමුකර ඇති බවයි පොලීසිය පැවසුවේ.
මෙම සැකකරු සමඟ පොල් වත්තේ සිටි කාන්තාව ද පොලීසිය විසින් අත්අඩංගුවට ගෙන ඇති බවයි වාර්තා වුණේ.
