“ඔයා දන්නවාද මම කවුද කියලා” – සාම පා ගමනේ සිදුවීම ගැන පොලිසියෙන් විමර්ශනයක්

සාම පා ගමනට බාධාවන අයුරින් ඡායාරූප ගත කිරීමක් හෝ වීඩියෝ ගත කිරීමක් සිදුකළ පුද්ගලයෙක් සහ පොලිස් නිලධාරියෙක් අතර සිදුවන බහින්බවීමක වීඩියෝවක් මේ වනවිට සමාජ මාධ්‍යයේ සංසරණය වනවා.

මහනුවර, කටුගස්තොට ප්‍රදේශයෙන් සාම පා ගමනට ගමන් කරන අවස්ථාවේ මෙම සිදුවීම සිදුව ඇති බවයි තොරතුරු වාර්තා වන්නේ.

මෙහිදී සාම පා ගමනට බාධා වෙන අයුරින් කටයුතු කළ එම ඡායාරූප ශිලිපියාට කොටුගස්තොට පොලිස් ස්ථානයේ ස්ථානාධිපතිවරයා විසින්, එලෙස බාධාවන අයුරින් කටයුතු නොකරන ලෙස කළ දැනුම්දීමක දී මෙම බහින්බස්වීම සිදුව ඇති බවයි වාර්තා වුණේ.

මෙම සිදුවීම සම්බන්ධයෙන් පොලිසියේ කළ විමසීමක දී පොලිස් මාධ්‍ය ප්‍රකාශක සහකාර පොලිස් අධිකාරී එෆ්.යු. වුට්ලර් සඳහන් කළේ, අදාළ සිදුවීම සම්බන්ධයෙන් පොලිසියෙන් විමර්ශනයක් මේ වනවිටත් ආරම්භ කර ඇති බවයි.