කුරුණෑගල ප්රදේශයේ විදේශ රැකියා ආයතනයකදී කාන්තාවකට එහි සේවක සේවිකාවන් පිරිසක් විසින් පහර දී තිබෙනවා.
මෙලෙස පහර කෑමට ලක්ව ඇත්තේ ගම්පහ ප්රදේශයේ කාන්තාවක්.
පහරකෑමට ලක් වු කාන්තාව ඒ පිළිබඳ පැමිණිලි කිරීමට කුරුණෑගල පොලිස් ස්ථානය වෙත ගිය අවස්ථාවේ ඇයව අත්අඩංගුවට ගත් බවටත් පහර කෑ කාන්තාව චෝදනා කළා.
ගම්පහ ප්රදේශයේ කාන්තාවක් කුරුණෑගල ප්රදේශයේ විදේශ රැකියා ආයතනයකට ඊයේ ගොස් ඇත්තේ ඇයගේ 21 හැවිරිදි දියණිය විදෙස් ගත කරන අවස්ථාවේ අදාල ආයතනය විසින් ලබාදෙන බව කියු මුදලක් ලබාගැනීමටයි.
මුදල් ලබාගැනීමට විදෙස් රැකියා ආයතනයට ගිය කාන්තාවට ආයතනයේ සේවකයන් පහර දුන් බවත් ඒ් පිළිබඳව පැමිණිලි කිරීමට කුරුණෑගල පොලිස් ස්ථානයට පැමිණි අවස්ථාවේ ඇයව අත්අඩංගුවට ගත් බවත් කාන්තාව සමග පැමිණි ඇගේ යෙහෙළියක් ප්රකාශ කළා.
කාන්තාවට පහරදීම සම්බන්ධයෙන් පොලිසියෙන් පැමිණ ආරක්ෂිත කැමරා පරීක්ෂා කලේදැයි කළ විමසීමේදී ආයතනයේ සේවිකාවක් මෙලෙස අදහස් පළ කළා.
මේ පිලිබඳ වාර්තා කිරීමට ගිය ප්රාදේශීය වාර්තාකරුව ජංගම දුරකථනය ඔස්සේ රෑගත කිරීමට ද ආයතන සේවකයෙක් කටයුතු කර තිබුනා.
මේ අතර කුරුණෑගල මුලස්ථාන පොලිසියේ අලංකාරයට තබා ඇති මල් පෝච්චිවල ද අදාල විදෙස් රැකියා ආයතනයේ නම සටහන් කර ඇති අයුරු දැක ගත හැකි වනවා.
ඊයේ පස්වරුවේ විදෙස් රැකියා ආයතනයේ කළමනාකාරියව ද අත්අඩංගුවට ගෙන පසුව දෙපිරිස මුලස්ථාන පොලිස් පරීක්ෂඛවරයා වෙත ඉදිරිපත් කර සමථ මණ්ඩලයට යොමු කිරීමට සටහන් යොදා ඇති බවයි වාර්තා වන්නේ.
මේ අතර , අදාල විදේශ රැකියා ආයතනය රජයේ නීති රීති උල්ලංඝනය කරමින් කාන්තාවන් විදෙස් ගත කිරීමට කටයුතු කරන බව ද විදෙස් ගත කාන්තාවක් හෙළිදරව් කළා.
පොලිසියේ මල් පෝච්චියේත් ඒජන්සිය නම තිබ්බනම් ආයි ඉතින් කතා දෙකක් නෑ. නඩුත් හාමුදුරුවන්ගේ බඩුත් හාමුදුරුවන්ගේ