ආපණශාලාවල ආහාර පාන මිල ගණන් ඉහළ දැමීමට සිදු වන බව සමස්ත ලංකා ආපණශාලා හිමියන්ගේ සංගමය පවසනවා.
එම සංගමයේ සභාපති හර්ෂණ රුක්ෂාන් මහතා පැවසුවේ; ලබන සතිය වන විට එම මිල ගණන් සංශෝධනය වන බවයි.
අත්යවශ්ය පාරිභෝගික භාණ්ඩවල මිල ගණන් දිගින් දිගටම ඉහළ යන්නේ නම්; මෙම තීරණය ගැනීමට සිදු වන බවත් එසේ වුවහොත් නව මිල ගණන් ප්රකාශයට පත් කිරීමේ දී සියයට 25කින් හෝ එය වැඩි කිරීමට සිදුවනු ඇති බවත් හෙතෙම පැවසුවා.
බලයට පත් වූ වහාම රජය අපහසුතාවට පත් කිරීමට තම සංගමය අකමැති බවත්; නමුත් ඉදිරියේ දී ද මෙම තත්ත්වය උග්ර වුවහොත් ආපණශාලා රැකගැනීම වෙනුවෙන් මිල ගණන් සංශෝධනයකට යාමට සිදුවන බවත් හර්ෂණ මහතා වැඩිදුරටත් කියා සිටියා.
