පොදු ස්ථානවලට ප්රවේශ වීමේ දී කොරෝනා ප්රතිශක්තීකරණ එන්නත් කාඩ්පත අද සිට අනිවාර්ය කර තිබුණ ද එය බලාත්මක වීමට තවත් සතිදෙක තුනක් ගතවනු ඇති බව සෞඛ්ය අමාත්ය කෙහෙළිය රඹුක්වැල්ල ප්රකාශ කළා.
මේ අතර, අද සිට ලබන 31 වැනි දා තෙක් බලාත්මක නව සෞඛ්ය මාර්ගෝපදේශ ඊයේ නිකුත් කෙරුණු අතර, ඒ යටතේ 5 ශ්රේණීයේ සිට ඉහළට 50%ක සාමාන්ය ධාරිතාවකට යටත්ව උපකාරක පන්ති පැවැත්වීමට අවසර ලබා දී තිබෙනවා.
ඒ අනුව විවාහ මංගල උත්සව සඳහා අදාළ උත්සව ශාලාවේ ආසන ධාරිතාවයෙන් 50% කට අවසර හිමිව තිබෙන අතර එළිමහන් ස්ථාන විවාහ මංගල උත්සව පැවැත්වීම සඳහා යොදා ගැනීමට කටයුතු කරන්නේ නම් එය වඩාත් උචිත බවයි නව මාර්ගෝපදේශ මාලාවේ දැක්වෙන්නේ.
ශාලාවන් හී සාමුහික වශයෙන් එක්රැස් වීම් වලදී සාමාන්ය ධාරිතාව 50%ක උපරිමයකටත්, පුද්ගලික නිවෙස්වල එක්රැස්වීම්වල දී පුද්ගලයන් 10ක උපරිමයකට යටත්වත් අවසර හිමිවනවා.
එමෙන්ම, අවමංගල කටයුතු පැය 24ක් තුළ අවසන් කටයුතු කළ යුතු අතර සහභාගී විය හැකි උපරිමය 30ක් පමණයි.
මේ අතර, එන්නත් කාඩ්පත අනිවාර්ය කිරීම අද සිට ක්රියාත්මක බවට මීට පෙර සෞඛ්ය අමාත්ය කෙහෙළිය රඹුක්වැල්ල ප්රකාශ කර තිබුණා.
එම තීරණය සම්බන්ධයෙන් කළ විමසීමක දී අමාත්යවරයා කියා සිටියේ, එන්නත් දෙක ම ලබා නොගත් පුද්ගලයින් පොදු ස්ථානවලට ප්රවේශවීමට අදාළ නීති රාමුවට දැනටමත් නීතිපති දෙපාර්තමේන්තුවෙන් අනුමැතිය ලැබී ඇති බවයි.
මුලින් විදපු එන්නත් මාත්රා දෙකේ ආයු කාලය දැන් අවසන් වෙලා නේද වැඩිද දෙනෙක් තුන්වන මාත්රාව ලබා ගෙනත් නැත මේ අනුව බැලුවහම කාඩ්පත කල් ඉකුත් වූ එකක් නේද මේක අරගෙන මහමග යන එක් පිස්සු වැඩක් නොවෙයිද?