මාතර සිට මහනුවර බලා ධාවනය වෙමින් තිබූ දුම්රිය එඬේරමුල්ල ප්රදේශයේදී හදිසියේම ගිනි ගනී
මාතර සිට මහනුවර බලා ධාවනය වෙමින් තිබූ දුම්රියක් හදිසියේ ඇති වූ කාර්මික දෝෂයක් හේතුවෙන් ගින්නක් හටගෙන තිබෙනවා.
අද (20) පස්වරුවේ මෙම සිදුවීම සිදු ව ඇත්තේ එඬේරමුල්ල ප්රදේශයේ දී බවයි පොලිසිය පැවසුවේ.
කෙසේවෙතත් අදාළ දුම්රියෙහි එන්ජිමෙහි ඇති වූ කාර්මික දෝෂයක් සමග දුම් ජාලාවක් නිකුත් වීමත් සමග දුම් රිය ධාවනය නැවතීමට එහි රියදුරු කටයුතු කර තිබෙනවා.
අදාළ සිදුවීම වූ ස්ථානයට එඬේරමුල්ල පොලිස් නිලධාරින් ද ගොස් ඇති අතර කඩිනමින් මගීන් අදාළ අවදානම් කලාපයෙන් ඉවත් කිරීමට කටයුතු කෙරුණා.
කෙසේවෙතත් ඉන් දැඩි දේපොළ හෝ ජීවිත හානි හෝ තුවාල කිසිවක් සිදු වී නැති බවත් එඬේරමුල්ල පොලිස් ස්ථානාධිපතිවරයා අප කළ විමසීමක දී තහවුරු කළා.
රාගම දුම්රිය අංගනයෙන් දුම්රිය එන්ජිමක් පැමිණ කාර්මික දෝෂයට ලක් වූ එන්ජිම ඉවත් කර, නව එන්ජිම සවිකිරීමෙන් පසු ගමනාන්තය ඇරඹූ බවත් පොලිසිය සඳහන් කළා.
