උසස් පෙළ අධ්‍යාපනය ලබන දරුවන් පාසලෙන් ඈත් වීම පිළිබඳ සොයා බැලිය යුතු බවත්, කුමන හේතුවක් මත හෝ දරුවන්ට අධ්‍යාපන අවස්ථා මගහැරීම නතර විය යුතු බවත් අග්‍රාමාත්‍ය ආචාර්ය හරිනි අමරසූරිය අවධාරණය කරනවා.
අග්‍රාමාත්‍යවරිය මේ බව පැවසුවේ අද (02) දහවල් මහරගම ජාතික අධ්‍යාපන ආයතනයේ නිරීක්ෂණ චාරිකාවකට එක්වෙමින්.
එහිදී වැඩිදුරටත් අදහස් දැක්වූ අග්‍රාමාත්‍යවරිය;
”වර්තමානයේ පාසල්වල උසස් පෙළ පන්ති කාමරවල දරුවන් රැඳී සිටින්නේ ඉතා අඩුවෙන්. විශේෂයෙන් පිරිමි දරුවන් අධ්‍යාපන ක්‍රමයෙන් බොහෝ දුරට ඈත්වෙමින් සිටිනවා. කුමන සමාජ, ආර්ථික හේතුවක් පදනම් කරගෙන හෝ දරුවන්ට අධ්‍යාපනය මගහැරීමට ඉඩ නොදිය යුතුයි. පූර්ව ළමා විය සංවර්ධනයේ සිට දහතුන් වසරක පාසල් අධ්‍යාපනය වගේම උසස් අධ්‍යාපනය සඳහා ඉඩ ප්‍රස්ථා සෑම දරුවකුට ම විවර ව තිබිය යුතුයි. පුද්ගල හා සමාජ පරිවර්තනයක් සිදු කිරීම අධ්‍යාපනයේ මුඛ්‍ය අරමුණක් කර ගැනීම ඉතා වැදගත්.
ජනතාව ඉල්ලා සිටින සමාජ පරිවර්තනය සිදු කිරීම වෙනුවෙන් පරිවර්තනීය අධ්‍යාපන වෙනස සිදු කිරීම හරහා මෙරට දරුවන්ට නව ලෝකයට විවෘත වීමට අවස්ථා විවර කර දීමට අපේ රජය ක්‍රියා කරනවා. සමාජයට වගකියන පුරවැසියකු බිහි කරගැනීම සඳහා අධ්‍යාපනය වෙනුවෙන් වෙන් කරන සෑම ප්‍රතිපාදනයක් ම අපි සලකන්නේ රටේ ඉදිරි ආයෝජනයක් ලෙසයි. දිගුකාලීන ප්‍රතිලාභ හිමි මෙම සංකීර්ණ ක්‍රියාවලිය වෙනුවෙන් ජාතික අධ්‍යාපන ආයතනයට සුවිශේෂ කාර්යභාරයක් පැවරෙනවා..” යනුවෙන් ඇය වැඩිදුරටත් සඳහන් කළා.
අපොස උ/පෙ පමනක් නෙවෙයි, සා/පෙ ළමයි පාසැල් යන එක 25% ටත් වඩා අඩු වෙලා. මොකද ඒ පන්ති වලට උගන්වන්න පුලුවන් ගුරුවරුන් එන්නේ නැහැ. අනෙක එන ගුරුවරුත් උගන්වන්නේ නෑ. මේ ගැන පාසැල් ප්‍රධානීන් දැනුවත්. ඒ වගේම අධ්‍යාපන බලධාරීනුත් දැනුවත්. කවදාවත් මේකට පියවර ගන්නේ නෑ.
අනේද කියන්නේ මේ පාහර වැඩේට දැන් ඉන්න අධ්‍යාපන නියෝජ්‍ය ඇමතියත් හවුල්. පළවෙනියට ඌව පන්නන්න ඕනෑ.
හේතුව හොයාගෙන ඒකට විසදුම් දීම දැන් එයාලගෙ වගකීම.ඒකට අවශ්‍ය බලය අවුරුදු 5 කට ඕනාවටත් වඩා දීල තියෙන්නේ.