මෙවර උසස් පෙළ විභාගයට ජීව විද්යාව අංශයෙන් පෙනී සිටීමට නියමිතව සිටි සිසුවියක් හදිසියේම මියගොස් තිබෙනවා.
මෙලෙස මියගොස් ඇත්තේ දඹුල්ල, ඉහළ ඇරෑඋල ප්රදේශයේ පදිංචිව සිටි 19 හැවිරිදි තරුෂි චමෝදි නැමැති සිසුවියක්.
මෙම සිසුවිය ඊයේ (09) රාත්රියේ සිය කාමරය තුළ අධ්යාපන කටයුතු සිදු කරමින් සිට ඇති අතර, උදෑසන අවදි නොවීම හේතුවෙන් දෙමාපියන් විසින් ඒ පිළිබඳව සොයා බලා තිබෙනවා.
එම අවස්ථාවේ දී ඇය කාමරයේ සිහිසුන්ව සිටින අයුරු දැක, වහාම ඇයව දඹුල්ල මූලික රෝහල වෙත රැගෙන ගොස් ඇති බවයි වාර්තා වුණේ.
රෝහලට රැගෙන ගිය සිසුවියව පරීක්ෂා කළ වෛද්යවරුන් පවසා ඇත්තේ ඇය රෝහල් ගත කරන අවස්ථාව වන විටත් මියගොස් ඇති බවයි.
සිසුවියගේ මරණයට හේතුව මෙතෙක් අනාවරණය වී නොමැති අතර, දඹුල්ල පොලිසියේ නිලධාරීන් සිසුවියගේ නිවසට ගොස් පරීක්ෂා කර බලා ඇති අතර එහිදී සැක කටයුතු කිසිවක් හමු නොවූ බව පොලිසිය සඳහන් කළේ.
සිද්ධිය සම්බන්ධයෙන් දඹුල්ල පොලිසිය වැඩිදුර විමර්ශන සිදුකරනවා.
