මහජනතාවට පීඩාවන අයුරින්, මහා මාර්ග අවහිර කරමින් සිදුකරනු ලබන උද්ඝෝෂණවලට පොලිසිය විසින් ජල සහ කඳුළු ගෑස් ප්‍රහාර එල්ල කරනු ලබන්නේ මහජනතාවගේ මානව හිමිකම් ආරක්ෂා කිරීම වෙනුවෙන් බව වැඩබලන පොලිස්පති දේශබන්දු තෙන්නකෝන් පවසනවා.
වැඩබලන පොලිස්පතිවරයා සඳහන් කරන්නේ සාමකාමීව පවත්වනු ලබන විරෝධතා, උද්ඝෝෂණ, රැස්වීම් සඳහා කිසිඳු බාධාවක් පොලිසිය විසින් සිදුනොකරන බවයි.
ඒවා පැවැත්වීමට මහජනතාව ඇති අයිතිවාසිකම් උපරිමයෙන් ආරක්ෂා කිරීමට කටයුතු කරන බව ද ඔහු වැඩිදුරටත් සඳහන් කළා.
අදට යෙදී ඇති ලෝක මානව හිමිකම් දිනය සම්බන්ධයෙන් මාධ්‍ය වෙත අදහස් දක්වමින් වැඩබලන පොලිස්පතිවරයා මෙම අදහස් පළකර සිටියා.
