“දිට්වා” සුළි කුණාටුවෙන් විපතට පත්වූවන් මුදාගැනීමේ මෙහෙයුම් සඳහා පැමිණි එක්සත් අරාබි එමීර් රාජ්යයේ භට කණ්ඩායමේ කොටසක් මෙහෙයුම් අවසන්කර අබුඩාබි නුවර වෙත වෙත අද (14) පස්වරුවේ පිටත්ව ගියා.
එරට ගුවන් හමුදාවට අයත් විශේෂ භාණ්ඩ ප්රවාහන ගුවන් යානයකින්, මෙහෙයුම් සිදුකිරීම සඳහා මෙරට රැගෙන ආ උපකරණ සහ රථවාහනවලින් කොටසක් ද මෙම පිරිස දිවයිනෙන් රැගෙන ගොස් තිබෙනවා.
මේ සඳහා එක්සත් අරාබි එමීර් රාජ්යයේ ගුවන් හමුදාව සතු සී – 17 වර්ගයේ විශාලතම භාණ්ඩ ප්රවාහන ගුවන් යානයක් කටුනායක ගුවන් තොටුපොළ වෙත පැමිණ තිබූ බවයි තොටුපොළ දසත නිවුස් වාර්තාකරු සඳහන් කළේ.
එම ගුවන් යානය අද (14) දින පස්වරු 03.45 ට කටුනායක ගුවන් තොටුපොළෙන් අබුඩාබි නුවර බලා පිටත්ව ගොස් තිබෙනවා.
“දිට්වා” සුළි කුණාටුවෙන් ශ්රී ලංකාව ආපදාවට පත්වූ අවස්ථාවේ දී එක්සත් අරාබි එමීර් රාජ්යයෙන් මුදාගැනීමේ කණ්ඩායම් සහ ආධාර විශාල තොගයක් මෙරටට එවීමට කටයුතු කර තිබුණා.
මේ අතර රටට බලපෑ අපදා තත්වය හමුවේ සහන කටයුතුවලට සහායවීම සඳහා ගුවන් මෙහෙයුම්, මුදවා ගැනිමේ මෙහෙයුම් හා සහන සේවා කටයුතු සඳහා පැමිණි ඇමෙරිකානු ගුවන් හමුදාවේ C-130 ගුවන් යානයක් සහ ඉන්දීය ගුවන් හමුදාවේ MI-17 හෙලිකොප්ටර් යානයක් දිවයිනෙන් පිටව ගියා.
ඇමෙරිකානු ගුවන් හමුදාවේ C-130 ගුවන් යානය සමඟ මෙරටට පැමිණ සිටි එරට සහන සේවා කණ්ඩායමක් ද අද (14) දිනයේ දිවයිනෙන් පිටත්ව ගොස් ඇති බවයි වාර්තා වුණේ.
