ඊශ්රායලයේ නොනවතින ප්රහාර හමුවේ අද (05) දිනය තුළදීත් ලෙබනනයේ පුද්ගලයින් 17 දෙනෙකු ජීවිතක්ෂයට පත් ව තිබෙනවා.
අල් ජසීරා පුවත් සේවය වාර්තා කළේ ඊශ්රායලය අනුකම්පා විරහිතව තවදුරටත් ලෙබනනයට ප්රහාර එල්ල කරමින් සිටින බවයි.
මෙම ප්රහාර ගෙවුණු පැය 14 තුළ ගාසා තීරය ද කේන්ද්ර කරගනිමින් එල්ල වන බව ද වාර්තා වනවා.
එම ප්රහාරවලින් සිවිල් වැසියන් ඇතුළු ආරක්ෂක අංශ නිලධාරීන් 86 දෙනෙකු තුවාල ලබා ඇති බව එන්ක්ලේව්හි සෞඛ්ය අමාත්යාංශය පවසනවා.
වෛද්ය කාර්ය මණ්ඩලයට අනුව, ඊශ්රායල හමුදා උතුරු ගාසා තීරයේ කමල් ඇඩ්වාන් රෝහලට ද දෙවන දිනටත් ප්රහාර එල්ල කර ඇති අතර, වෛද්ය කාර්ය මණ්ඩලයට සහ එහි උපත ලද නව බිළිඳුන්ට ද තුවාල සිදු වී ඇති බවයි සඳහන් වන්නේ.
ගාසා තීරයේ ඊශ්රායලයේ ජන සංහාරයෙන් 2023 ඔක්තෝබර් 7 වැනිදා සිට අවම වශයෙන් පලස්තීනුවන් 43,391ක් මිය ගොස් 102,347ක් තුවාල ලබා තිබෙනවා.
හමාස් ප්රහාරයෙන් ඊශ්රායලයේ පුද්ගලයන් 1,139ක් මියගිය අතර 200කට වැඩි පිරිසක් අනාථභාවයට පත් වුණා.
ලෙබනනයේ, ගාසා තීරයට එරෙහි යුද්ධය ආරම්භ වූ දා සිට ඊශ්රායල ප්රහාරවලින් අවම වශයෙන් පුද්ගලයන් 3,002ක් මිය ගොස් 13,492 ක් තුවාල ලබා ඇති බවත් අල් ජසීරා හි සඳහන්.
