ඊශ්රායල ප්රහාරවලින් පලස්තීනුවන් 50 දෙනෙකු මිය ගිය බව ගාසා තීරයේ හමාස් පාලනය කරන සෞඛ්ය අමාත්යාංශය පවසනවා.
ගාසා නගරයේ ඩරාජ් සහ ටුෆා අසල්වැසි ප්රදේශවල භූමිය පුරා සටන් දිගටම සිදුවෙමින් පවතින බවයි ඊශ්රායල හමුදාව පවසන්නේ.
තමන් විසින් පවත්වාගෙන යනු ලබන ඛාන් යුනිස් හි අල්-අමල් රෝහල අසල ප්රහාරයකින් පුද්ගලයන් 10 දෙනෙකු මිය ගිය බව පලස්තීන සහන සංවිධානයක් ප්රකාශ කර තිබෙනවා.
ප්රහාර දිගටම පැවතුනහොත් ඊශ්රායලය සහ ලෙබනනය අතර දේශසීමාවෙන් හිස්බුල්ලා සන්නද්ධ කණ්ඩායම ඉවත් කිරීමට හමුදාව ක්රියා කරන බවටයි ඊශ්රායල ඇමතිවරයෙක් ප්රකාශ කර ඇත්තේ.
බටහිර ඉවුරේ මානව හිමිකම් තත්ත්වය ශීඝ්රයෙන් පිරිහෙමින් පවතින බවට අනතුරු අඟවා ඇති එක්සත් ජාතීන්ගේ සංවිධානය, පලස්තීනුවන් ඝාතනය නතර කරන ලෙස ඊශ්රායලයෙන් ඉල්ලා ඇතැයි සඳහන්.
ඔක්තෝබර් 7 වැනිදා හමාස් සටන්කාමීන් ඊශ්රායලයට එල්ල කළ ප්රහාරයෙන් පුද්ගලයන් 240ක් පමණ ප්රාණ ඇපයට ගත් අතර පුද්ගලයන් 1200ක් මිය ගියා.
ඊශ්රායලය ප්රති ප්රහාර ආරම්භ කළ දා සිට ගාසා තීරයේ 21,100කට අධික පිරිසක් මිය ගොස් ඇති බවයි ගාසා තීරයේ හමාස් පාලනය කරන සෞඛ්ය අමාත්යාංශය සඳහන් කළේ.
