ඊශ්‍රායලයේ හමුදා කඳවුරකට මාරාන්තික ඩ්‍රෝන් ප්‍රහාරයක් එල්ල වී තිබෙනවා.
මෙම ප්‍රහාරය හිස්බුල්ලා සටන්කාමීන් විසින් එල්ල කරන ලද අතර එහි සිටි හමුදා සාමාජිකයින් සිව්දෙනෙකු ද ඇතුළුව තවත් පුද්ගලයින් 51 දෙනෙකු ජීවිතක්ෂයට පත් ව ඇති බවයි බීබීසී පුවත් සේවය වාර්තා කළේ.
මෙම ඩ්‍රෝන් ප්‍රහාර ලෙබනනය හරහා එල්ල වී තිබෙනවා.
උතුරු ලෙබනනයේ Aitou හි වෙතට ද ඊශ්‍රායල ප්‍රහාරයක් අද (14) එල්ල වුණා.
ඉන් අවම වශයෙන් පුද්ගලයින් 9 දෙනෙකු මිය ගොස් ඇති බව ලෙබනන නිලධාරීන් පවසන අතර 18 දෙනෙකු මිය ගිය බව ලෙබනන් රතු කුරුස සංවිධානය නිවේදනය කරනවා.
වසරක් තුළ ක්‍රිස්තියානි ප්‍රජාව වැඩි වශයෙන් වෙසෙන උතුරු ප්‍රදේශයට ඊශ්‍රායලය ප්‍රහාර එල්ල කළ පළමු අවස්ථාව මෙය වනු ඇති.
මෙම ප්‍රහාරය ගැන ඊශ්‍රායලය මෙතෙක් නිල වශයෙන් දැනුම්දීමක් සිදු කර නැහැ.
