ඊයේ දළදා පෙරහැරේ ගිය හස්ති පාලක සහායකගේ සිරුර අද උදේ නුවර වැවේ පාවෙයි

මහනුවර මූලස්ථාන පොලීසිය පරීක්ෂණ පවත්වන අතරතුර, අද (31) උදෑසන මහනුවර වැව් ඉවුරේ පාවෙමින් තිබූ හස්ති පාලක සහායකයෙකුගේ මළසිරුර සොයාගෙන තිබේ.

මෙම පුද්ගලයා අචලංක නැමැති 28 හැවිරිදි තරුණයෙක් වන අතර, ඔහු අලියෙකුගේ ප්‍රධාන පාලකගේ සහායකයා ලෙස කටයුතු කර ඇත. ඔහු මහනුවර කතරගම දේවාලයේ පෙරහරට සහභාගී වීම සඳහා අරණායක ප්‍රදේශයේ සිට පැමිණියෙකි.

පෙරහරට එක්වීමට පෙර හෝ පසුව ඔහුගේ මරණය සිදුවී ඇති බවට සැක කෙරේ. මේ සම්බන්ධයෙන් පොලීසිය වැඩිදුර පරීක්ෂණ කටයුතු සිදු කරමින් පවතී. Watch Video