ජම්මු කාශ්මීරයට පසුගියදා පාකිස්තානය කේන්ද්ර කරගනිමින් ක්රියාත්මක වන ත්රස්ත කණ්ඩායමක් විසින් සිදු කරන ලද මාරාන්තික ප්රහාරයට පළි ගැනීමක් ලෙස ප්රති ප්රහාර පාකිස්තානයට එල්ල කිරීම මේ වනවිට (මැයි 07) ඉන්දියාව අරඹා තිබෙනවා.
ඉන්දීය මාධ්ය වාර්තා කළේ ඉන්දියාව මේ වනවිට පාකිස්තාන කලාපයේ ස්ථාන 09කට මිසයිල ප්රහාර 24ක් එල්ල කර ඇති බවයි.
එම ප්රහාරවලින් ලෂ්කර්-ඊ-තායිබා ත්රස්ත කල්ලිය සහ ජයිෂ්-ඊ-මොහොමඩ් සමඟ සම්බන්ධ මධ්යම මට්ටමේ සිට ඉහළ පෙළේ ක්ෂේත්ර අණ දෙන නිලධාරීන් රැසක් සිටින බවත් ඔවුන් ඇතුළු පාකිස්තාන ත්රස්තවාදීන් 70 දෙනෙකු ඝාතනය කර ඇති බවත් වාර්තා වනවා.
සින්දූර් මෙහෙයුම නමින් ඉන්දියාව විසින් මෙම ප්රහාර මාලාව හඳුන්වා තිබෙනවා.
ඉන්දියාව පවසන්නේ තවදුරටත් පාකිස්තානය විසින් එරට ත්රස්ත ව්යාප්තිය අඩපණ නොකිරීමට කඩිනම් පියවර නොගැනීම සහ ඇතැම් රාජ්ය ආයතනවල සහාය දේශසීමා ත්රස්තවාදය තීව්ර කිරීමට ලබාදීම කිසිසේත්ම අනුමත කළ නොහැකි බවයි.
මෙම ප්රතිප්රහාරයෙන් මුසෆරාබාද්, කොට්ලි, බහවල්පූර්, රාවලකොට්, චක්ස්වරි, භිම්බර්, නීලම් නිම්නය, ජෙලම් සහ චක්වාල් යන ඉලක්කගත ස්ථාන 09කට ප්රහාර එල්ල වූ අතර තවත් ත්රස්ත නායකයින් 60කට වැඩි පිරිසක් බරපතළ තුවාල ලබා තිබෙනවා.
කෙසේවෙතත් පාකිස්තාන රජය පවසන්නේ ඉන්දියාවට මෙම ප්රති ප්රහාරය සඳහා බරපතළ ආකාරයෙන් වන්දි ගෙවීමට සිදු වන බවත් ඉන්දියාව එල්ල කළ ප්රහාරවලින් සිවිල් වැසියන් 09 දෙනෙකු ජීවිතක්ෂයට පත් ව තවත් 38ක් තුවාල ලබා ඇති බවයි.
එමෙන්ම තවත් දෙදෙනකු අතුරුදන් ව තිබෙනවා.
ඉන්දීය රජයේ ආරංචි මාර්ග පවසන පරිදි, පාකිස්තානයේ ත්රස්ත ඉලක්කවලට පමණක් ප්රහාර එල්ල කර ඇති බවත්, අවම ප්රමාණයේ හානි වාර්තා වන්නේ නිවැරදි ඉලක්ක කිරීම් හේතුවෙන් බවත්, තම හමුදා කිසිදු පකිස්තාන හමුදා කඳවුරකට ප්රහාර එල්ල කර නොමැති බවයි.
ගෝලීය බලවතුන් දෙපාර්ශ්වයටම සංයමයෙන් කටයුතු කරන ලෙස ඉල්ලා සිටිනවා.
