පාකිස්තානයේ ත්‍රස්ත විරෝධී අධිකරණයක් හිටපු අගමැති ඉම්රාන් ඛාන්ගේ දේශපාලන පක්ෂය වන පකිස්ථාන ටෙහ්රීක්-ඊ-ඉන්සාෆ් (PTI) හි නායකයින් සහ ආධාරකරුවන් 47 දෙනෙකුට ත්‍රස්තවාදී චෝදනා මත වසර 10 ක සිර දඬුවමක් නියම කළා.
47 දෙනාට පාකිස්තාන රුපියල් 500,000 බැගින් දඩ ගෙවීමට ද නියම වුණා.
මෙම නඩුව පැන නගින්නේ 2023 මැයි 9 වන දින ඉම්රාන් ඛාන් අත්අඩංගුවට ගත් දිනයේ ඇති වූ කෝලාහල හේතුවෙන්.
එදින, දහස් ගණනක් විරෝධතාකරුවන් ජෙනරාල් මූලස්ථානයට (GHQ) සහ අනෙකුත් හමුදා ස්ථානවලට කඩා වැදුණු අතර, එහි ප්‍රතිඵලයක් ලෙස දේපළ විනාශ වී අවම වශයෙන් අට දෙනෙකු මිය ගියා.
විරෝධතාවලින් පසුව, PTI සාමාජිකයින් බොහෝ දෙනෙකු ඇතුළුව 4,000 කට වැඩි පිරිසක් අත්අඩංගුවට ගත්තා.
PTI විසින් 47 දෙනාට දඬුවම් නියම කිරීම හෙළා දැක ඇති අතර, ඔවුන්ගේ නඩු පැවරීම “දේශපාලන පළිගැනීමක” කොටසක් ලෙස හඳුන්වනවා.
