සංචාරක ශ්රී ලංකා කණ්ඩායම් සහ පාකිස්ථානය අතර තරග තුනකින් සමන්විත එක්දින තරගාවලිය තවත් එක තරගයක් ඉතිරිව තිබිය දී ජයගන්නට පාකිස්ථානය කණ්ඩායම ඊයේ (14) සමත් වුණා.
ඒ, දෙරට අතර රාවල්පින්ඩි හිදී පැවති දෙවන එක්දින තරගය කඩුලු 08 කින් ජයගැනීමත් සමඟයි.
මෙම තරගයේ තරගයේ කාසියේ වාසිය හිමිකරගත් පාකිස්ථානය පළමුවෙන් පන්දුවට පහරදීමට ශ්රී ලංකාවට ආරාධනා කළ අතර, එහිදී නියමිත පන්දුවාර 50 අවසානයේ කඩුළු 08ක් දැවී ලකුණු 288ක් රැස් කිරීමට ශ්රී ලංකා ක්රීඩකයින් සමත් වුණා.
අනතුරුව ලකුණු 289ක ජයග්රාහී ඉලක්කයක් හඹා ගිය පාකිස්ථානය අදාළ ඉලක්කය පන්දුවාර 48යි පන්දු 02ක් තුළ කඩුලු දෙකක් පමණක් දැවී තිබිය දී පසුකර ගොස් තරගය ජයගත්තා.
එහිදී පාකිස්ථාන ජයග්රහණය වෙනුවෙන් සුපිරි ඉනිමක් ක්රීඩා කළ බාබර් අසාම් නොදැවී ලකුණු 102ක් රැස් කළේ පන්දු 119කට මුහුණ දෙමින්.
බාබර් අසාම් ඊයේ රැස් කළේ සිය එක්දින දිවියේ 21 වන ශතකය වන අතර, එම ශතකය රැස් කිරීමට ඔහුට එක්දින ඉනිම් 83ක් බලා සිටීමට සිදුවුණා.
පාකිස්ථාන ක්රීඩක බාබර් අසාම් ඊයේ දින රැස්කළ ශතකයට පෙර අවසන් වරට එක්දින ශතකයක් රැස්කර තිබුනේ 2023 වසරේ අගෝස්තු 30 වනදායි.
මේ අතර ඊයේ (14) පැවති දෙවන එක්දින තරගය ජයගැනීම වෙනුවෙන් ෆකාර් සමාන් ලකුණු 74ක් රැස්කළ අතර, මොහොමඩ් රිස්වාන් නොදැවී ලකුණු 51ක් වාර්තා කළා.
දෙරට අතර තුන්වන සහ අවසන් එක්දින තරගය හෙට (16) රාවල්පින්ඩි හිදීම පැවැත් වෙනවා.
හරි වැරදියි.
එයාලා ජය ගත්තා නෙවී අපි පැරදුනා