ඉන්ධන පිරවුම්හල් සඳහා අවශ්ය පොලිස් ආරක්ෂාව සපය ලෙස පොලිස්පතිවරයා දිවයිනේ සියලු පොලිස්ථාන වෙත උපදෙස් ලබා දී තිබෙනවා.
ඒ, අනුව සියලු ඉන්ධන පිරවුම්හල් වෙත ආරක්ෂාව සලසා ඇති බවයි පොලිසිය සඳහන් කළේ.
මේ අතර පොලිසිය ඊයේ (01) දිනයේ නිවේදනයක් නිකුත් කරමින් සඳහන් කළේ, ඇතැම් පාර්ශ්වයන් විසින් සංවිධානාත්මකව ගැලුම් මගින් ඉන්ධන රැස් කිරීම සිදුකරන බවත් එවැනි ක්රියා වැළැක්වීම සඳහා නැවත දැනුම් දෙන තුරු ධීවර යාත්රා, කර්මාන්තශාලා, වැඩබිම්, කෘෂිකාර්මික කටයුතු සඳහා සහ ගෘහ කටයුතු සඳහා හැර ගැලුම්, බෝතල් හෝ වෙනත් දෑ සඳහා ඉන්ධන නිකුත් නොකිරීමට ඉන්ධනහල් කළමනාකාරීත්වය සමඟ සාකච්ඡා කර අවශ්ය පියවර ගැනීමට සියලුම පොලිස් ස්ථාන දැනුම්වත් කර ඇති බවයි.
ඒ, අනුව අනවශ්ය ලෙස ඉන්ධන රැස්කර ගබඩාකර තබා ගනිමින් වැඩි මිලට ඉන්ධන අලෙවි කිරීමේ ජාවාරම්වල නිරතවන සහ ඉන්ධන සම්බන්ධව සමාජ මාධ්ය ජාල ඔස්සේ විවිධ අසත්ය ප්රචාර පළකරන පුද්ගලයින් හෝ කණ්ඩායම් පිළිබඳව සොයාබලා ඔවුන්ට එරෙහිව නීතිමය ක්රියාමාර්ග ගැනීමට ශ්රී ලංකා පොලීසිය කටයුතු කරන බවයි පොලිසිය සඳහන් කළේ.
ගම්පොල තරුණයෙක්, එයින් වලින් පෙට්රොල් හැදුවා. ඒ අයට අවස්ථාව දෙන්න, ඒ නිෂ්පාදන කරන්න