ඉන්ධන ගාස්තු අඩුවීම තුළ ගැටළු සහගත තත්ත්වයක් පවතින බව සමස්ත ලංකා ත්‍රීරෝද රථ රියදුරන්ගේ සහ හිමිකරුවන්ගේ සංගමය පවසනවා.
එම සංගමයේ සභාපති සුදිල් ජයරුක් පවසන්නේ පාරිභෝගික ජනතාවට සහනයක් ලබාදීමට නම් සාමාන්‍ය නිගමනයට අනුව ඉන්ධන ගාස්තු රුපියල් පනහත් හැටත් අතර මිලකින් අඩුවිය යුතු බවයි.
එලෙස මිල ගණන් අවුවන්නේ නම් ත්‍රිරෝද රත්ග ගාස්තු රුපියල් 20කින් පහළ දැමීමට කටයුතු කරන බව ද ඔහු සඳහන් කළා.
“මේ ආර්ථික උද්ධමනයත් එක්ක ත්‍රීරෝද රථයේ අවශ්‍යතා සපුරාගැනීමට තිබෙන ලිහිසි තෙල් සහ අමතර කොටස් සම්බන්ධව තියෙන ගැටලු වැට් බදු සම්බන්ධව තියෙන ගැටලු මේ සියල්ල එකතු කරගෙන අපිට වෙනම අඩුකරන්න සුළු මුදලකින් බැරිවෙනවා උපරිමය අපි රුපියල් 50ත් 60ත් අතර මිලකට ඉන්ධන මිල අඩුවෙලා තිබුණා නම් අඩු කරන්න තිබුණා.
අපි රුපියල් අසූවට හයර් ගාස්තු තබාගෙන තිබීදීත් ඒ වෙනකොට ඉන්ධන මිල තිබුනේ රුපියල් එකසිය හැටකට වගේ මුදලකට දැන් ඒ වගේ දෙගුණයකට ඉහළ ගිහිල්ලා තියෙන්නේ ඉන්ධන මිල, ඒකට සාපේක්ෂව දැන් මිල අඩුයි කියලා කියන්න පුළුවන් රුපියල් සීයයි කියන ගාන, සුළු සුළු මුදල්වලින් කොච්චර අඩු වුවත් සාපේක්ෂතාවයෙන් ඉන්ධන මිල අඩුවීමක් වෙලා නැහැ.මේ කරන්නේ වැඩි වෙච්ච මුදල යම් යම් සුළු සුළු අවපාතයන්වලට අඩුකරන එක.”
රජය විසින් ඊයේ (31) මධ්‍යම රාත්‍රියේ සිට ක්‍රියාත්මකවන පරිදි ඉන්ධනවර්ග කිහිපයක මිල ගණන් අඩු කිරීමට කටයුතු කළා.
ඒ, අනුව ඔක්ටේන් 95 වර්ගයේ පෙට්‍රල් ලීටරයක් රුපියල් 07කින්, සුපර් ඩීසල් ලීටරයක් රුපියල් 72 කින් සහ භූමිතෙල් ලීටරයක් රුපියල් 12 කින් මිල අඩු කළා.
කෙසේ වෙතත් සුදු ඩීසල් සහ ඔක්ටේන් 92 වර්ගයේ පෙට්‍රල්වල මිල ගණන්වල කිසිඳු වෙනසක් සිදු කළේ නැහැ.
