කැනේඩියානු සික් බෙදුම්වාදියෙකුගේ ඝාතනය සම්බන්ධයෙන් පළුදු වූ සබඳතා යථා තත්ත්වයට පත් කිරීමට දෙරට උත්සාහ කරන පසුබිමක නවදිල්ලියේ දී දෙරටේ විදේශ අමාත්යවරුන් අතර පැවති සාකච්ඡාවලින් පසු ඉන්දියාව සහ කැනඩාව සඳුදා ඔවුන්ගේ සබඳතා සඳහා නව මාර්ග සිතියමක් පිළිබඳව එකඟ වී තිබෙනවා.
තීරුබදු නිවේදන හේතුවෙන් එක්සත් ජනපදයෙන් ඈත් වී වෙළඳාම විවිධාංගීකරණය කිරීමට බලාපොරොත්තු වන රටවල් දෙක, තීරණාත්මක ඛනිජ, වෙළඳාම සහ කෘෂිකාර්මික වටිනාකම් දාම වැනි ක්ෂේත්ර සම්බන්ධයෙන් සහයෝගයෙන් කටයුතු කිරීමට එකඟ වූ බව ඒකාබද්ධ ප්රකාශයක සඳහන් වුණා.
“මෙම හවුල්කාරිත්වය නැවත පණ ගැන්වීම වැඩිදියුණු කළ ආර්ථික සහයෝගීතාවය සඳහා අවස්ථා නිර්මාණය කරනවා පමණක් නොව, ගෝලීය සන්ධාන මාරුවීමෙන් පැන නගින අවදානම් අවම කිරීමට ද උපකාරී වනු ඇත,” එහි සඳහන්.
කැනඩාවේ විදේශ අමාත්ය අනිතා ආනන්ද් සඳුදා ඉන්දීය අගමැති නරේන්ද්ර මෝදි සහ විදේශ ඇමැති සුබ්රමනියම් ජයශංකර් හමුවීමෙන් පසුව මෙම ප්රකාශය නිකුත් කළා.
“සම්බන්ධතාවය ඉහළ නැංවීමේ වැදගත්කම පිළිබඳව අපගේ රජයන් දෙකම එකඟ වේ,” ආනන්ද්, ජයශංකර් සමඟ පැවති රැස්වීමේදී පැවසුවා.
2023 දී කැනේඩියානු සික් බෙදුම්වාදියෙකු වූ හර්දීප් සිං නිජ්ජර් ඝාතනයට නවදිල්ලිය සම්බන්ධ බවට එවකට අගමැති ජස්ටින් ටෲඩෝ චෝදනා කිරීමෙන් පසු නවදිල්ලිය සහ ඔටාවා අතර සබඳතා වසර දෙකකට ආසන්න කාලයක් තිස්සේ පළුදු වී තිබෙනවා.
ඝාතනයට සම්බන්ධ බවට කැනඩාවේ චෝදනා ඉන්දියාව ප්රතික්ෂේප කළ අතර, ඔටාවා තම භූමියේ බෙදුම්වාදී කණ්ඩායම් පෝෂණය කරන බවට චෝදනා කළා.
මෙම වසරේ ජුනි මාසයේදී, කැනඩාවේ පැවති G7 සමුළුවට මෝදි සහභාගි වුණා
