ඉන්දීය නාවික හමුදාවට අයත් ‘INS NIREEKSHAK’ යුද නෞකාව ‘මිශ්ර වායු කිමිදුම් පුහුණු’ වැඩසටහනක් පැවැත්වීම සඳහා අද (21) උදෑසන කොළඹ වරායට සේන්දු වුණා.
ශ්රී ලංකා නාවික හමුදාව විසින් එම නෞකාව, නාවික හමුදා සම්ප්රදායානුකුලව පිළිගැනීම සිදුකෙරුණා.
මෙලෙස කොළඹ වරායට පැමිණි Diving Support Vessel වර්ගයට අයත් ‘INS NIREEKSHAK’ නෞකාවේ අණදෙන නිලධාරී ලෙස කොමාණ්ඩර් Sailesh Kumar Tyagi කටයුතු කරනු ලබනවා.
මෙම යුද නෞකාව දිවයිනේ රැඳී සිටින කාලය තුළ, ශ්රී ලංකා නාවික හමුදාව සමඟ එක්ව මිශ්ර වායු කිමිදුම් පුහුණු වැඩසටහනක් පැවැත්වීමට නියමිතයි.
එමඟින් දෙරටේහි කිමිදුම් අංශයන්ගේ අත්දැකීම් හුවමාරුව සහ ශක්යතා වර්ධනය සඳහා අවස්ථාව සැලසීම අපේක්ෂා කෙරෙනවා.
එමෙන්ම, එහි නැව් මුළුව දෙරටේ නාවික හමුදා අතර සුහදත්වය හා සහයෝගිතාව වර්ධනය කිරීම අරමුණින් සංවිධානය කර ඇති වැඩසටහන් කිහිපයකට සහභාගී වීමටත්, සංස්කෘතික වශයෙන් වැදගත් ස්ථාන කිහිපයක් නැරඹීම සඳහා සංචාරයන්හි නිරත වීමටත් නියමිතව තිබෙනවා.
