ඉන්දීය ජනාධිපති ද්‍රෞපදි මුර්මු ලබන සතියේ නවසීලන්තයේ රාජ්‍ය සංචාරයක නිරත වන බව එරට අග්‍රාමාත්‍ය ක්‍රිස්ටෝපර් ලක්සන් ප්‍රකාශ කරනවා.
2016 දී ශ්‍රී ප්‍රනාබ් මුඛර්ජිගේ සංචාරයෙන් පසුව, නවසීලන්තය ඉන්දීය ජනාධිපතිවරයෙකු පිළිගන්නා දෙවන අවස්ථාව මෙයයි.
නවසීලන්තය සහ ඉන්දියාව අතර දීර්ඝ කාලීන සහ විචිත්‍රවත් සබඳතාවක් පවතින අතර අපගේ සබඳතා ශක්තිමත් කිරීමට සහ පුළුල් කිරීමට සිය රජය කැප වී සිටින බව අග්‍රාමාත්‍යවරයා නිවේදනයක් නිකුත් කරමින් කියා සිටිනවා.
“අපගේ ව්‍යාපාර, ප්‍රජාව සහ සමාජයට වැදගත් දායකත්වයක් සපයන ඉන්දියානු සම්භවයක් ඇති පුද්ගලයින් 300,000ක් පමණ නවසීලන්තයේ වාසය කරයි.” අග්‍රාමාත්‍යවරයා නිකුත් කළ නිවේදනයේ සඳහන්.
හින්දි නවසීලන්තයේ වැඩිපුරම කතා කරන පස්වැනි භාෂාව වන අතර ඉන්දියානු සිසුන් නවසීලන්තයේ දෙවන විශාලතම ජාත්‍යන්තර සිසුන් සමූහය ද වනවා.
“ජනාධිපති මුර්මු ඉන්දියාවේ ඉතා ගෞරවයට පාත්‍ර වූ නායකයෙකි. ඇය ගෝත්‍රික ප්‍රජාවකින් එම තනතුර දැරූ දෙවන කාන්තාව සහ පළමු පුද්ගලයා වේ. ඇයගේ සංචාරය දෙරටට විශ්වාසවන්ත සහ සහයෝගය දක්වන ද්විපාර්ශ්වික සහ කලාපීය හවුල්කරුවෙකු ලෙස නැවත තහවුරු කිරීමට වැදගත් අවස්ථාවක් ලබා දෙනු ඇත,” අග්‍රාමාත්‍ය ක්‍රිස්ටෝපර් ලක්සන් පවස
ජනාධිපති මුර්මු සහ ඇයගේ දූත පිරිස අගෝස්තු 7-9 දක්වා වූ ඇයගේ සංචාරය අතරතුර ඕක්ලන්ඩ් සහ වෙලින්ටන් හි වැඩසටහන් මාලාවකට සහභාගී වීමට නියමිතයි.
