වසර 40කට පසු අභ්යවකාශයට ගිය පළමු ඉන්දියානුවා බවට ශුභාන්ෂු ශුක්ලා පත් ව තිබෙනවා.
ශුභාන්ෂු ශුක්ලා 1985 ඔක්තෝබර් 10 වන දින උත්තර් ප්රදේශ්හි අගනුවර වන ලක්නව් හි උපත ලැබූ අතර ISRO හි ගගන්යාන් මෙහෙයුම සඳහා තෝරා ගත් ගගනගාමීන් සිව් දෙනාගෙන් කෙනෙකු ලෙසයි සැලකෙන්නේ.
ජාත්යන්තර අභ්යවකාශ මධ්යස්ථානයට යාම සඳහා බොහෝ දෙනා අපේක්ෂා කළ Axiom 4 මෙහෙයුම සඳහා දියත් කරන ලද SpaceX Dragon ගුවන් යානය නියමුවා ලෙස ඉන්දීය ගුවන් හමුදා සමූහ කපිතාන් ශුභාන්ෂු ශුක්ලා ඉතිහාසය අලුතින් ලියන බව ඉන්දීය මාධ්ය වාර්තා කරනවා.
අද (25) වන දහවල් 12.01ට ගුවන්ගත කිරීම සිදු වූ බවත් වාර්තා වනවා.
පසුගිය වසර හතළිහ තුළ ජාත්යන්තර අභ්යවකාශ මධ්යස්ථානයට ගමන් කළ පළමු ඉන්දියානු ගගනගාමියා ශුක්ලා වන අතර, ගෞරවනීය ඉන්දියානු ගගනගාමියෙකු වන රාකේෂ් ෂර්මාට පසුව පමණක් ශුක්ලා දෙවැනි තැනට පත් වනවා.
1984 දී එවකට සෝවියට් සංගමයේ සැල්යුට්-7 අභ්යවකාශ මධ්යස්ථානයේ කොටසක් ලෙස ෂර්මා දින අටක් කක්ෂයේ ගත කළා.
ඉන්දියානු අභ්යවකාශ පර්යේෂණ සංවිධානයේ (ISRO) ගගනගාමියෙකු වන ශුක්ලා, මෙම මෙහෙයුම සඳහා හිටපු නාසා ගගනගාමියෙකු සහ අණදෙන නිලධාරි පෙගී විට්සන් සහ මෙහෙයුම් විශේෂඥයින් වන පෝලන්තයේ ස්ලාවොස් උස්නාන්ස්කි-විස්නියෙව්ස්කි සහ හංගේරියාවේ ටිබෝර් කපු සමඟ පැමිණෙනු ඇති.
ඇක්සියම් 4 මෙහෙයුම ඉන්දියාවට පමණක් නොව පෝලන්තයට සහ හංගේරියාවට ද අභ්යවකාශයට නැවත පැමිණීම සනිටුහන් කරනවා.
