ඉන්දියාව සහ රුසියාව අතර ඇති කරගත් නව ගිවිසුමක් යටතේ හමුදා කඳවුරු, වරාය සහ ගුවන් තොටුපළ බෙදා ගත හැකි අතර එකිනෙකාගේ භූමිය තුළ භටයින් 3,000 ක් දක්වා ස්ථානගත කිරීමේ හැකියාව පවතිනවා.
පසුගිය වසරේ දෙරට විසින් අත්සන් කරන ලද සහ දීර්ඝ කිරීම සඳහා විධිවිධාන සහිතව වසර පහක කාලයක් සඳහා ජනවාරි මාසයේ දී බලාත්මක වූ අන්‍යෝන්‍ය සැපයුම් සහය හුවමාරු ගිවිසුම (RELOS) පිළිබඳ විස්තර පසුගිය මාසයේ රුසියාවේ නිල නීති තොරතුරු ද්වාරයෙහි ප්‍රකාශයට පත් කරනු ලැබුවා.
මෙයින් පසු, ඉන්දීය අගමැති නරේන්ද්‍ර මෝදිගේ පාලක භාරතීය ජනතා පක්ෂය (BJP) X සටහනකින් ගිවිසුම ඉන්දියා-රුසියා මිත්‍රත්වයේ “නව පරිච්ඡේදයක්” ලෙස හැඳින්වූවා.
කිසිදු රටක් නම් නොකර, ඓතිහාසික RELOS ගිවිසුම “රාත්‍රියේ සතුරන් අවදියෙන් තබා ගැනීමට” සූදානම් බව එහි සඳහන් වුණා.
“දැන්, ඉන්දියානු සොල්දාදුවන් රුසියානු භූමියේ සහ රුසියානු හමුදා කඳවුරුවල ස්ථානගත කළ හැකිය,” එහි සඳහන් කර තිබුණි.
භටයින් 3,000 ක් දක්වා තාවකාලිකව යෙදවීමට අමතරව, යුධ නැව් පහක් සහ හමුදා ගුවන් යානා 10 ක් එකවර එකිනෙකාගේ කඳවුරුවල ස්ථානගත කළ හැකිය.
ගිවිසුම මගින් ඉන්දියානු හමුදාවට ආක්ටික් ප්‍රදේශයට ප්‍රවේශය ද ලබා දේ.
