ඉන්දියාව සහ ඕමානය අතර ද්විපාර්ශ්වික ආර්ථික සබඳතාවල නව පිටුවක් පෙරළමින්, දෙරට අතර ඇති කරගත් ‘විස්තීර්ණ ආර්ථික හවුල්කාරිත්ව ගිවිසුම’ (CEPA) ඊයේ සිට නිල වශයෙන් ක්රියාත්මක වුණා.
මෙම ඓතිහාසික ගිවිසුම හරහා ඉන්දීය අපනයනකරුවන්ට ඕමාන වෙළඳපොළ තුළ ඉතා ඉහළ බදු සහනයක් හිමිවන අතර, ඒ යටතේ ඕමානයේ තීරුබදු කේතවලින් සියයට 98කට අධික ප්රමාණයකට (98.08%) තීරුබදු රහිත ප්රවේශය හිමිවීම විශේෂත්වයක්.
මෙය සමස්ත ඉන්දීය අපනයන වටිනාකමෙන් සියයට 99කටත් වඩා වැඩි ප්රමාණයක් ආවරණය කිරීමක්.
මෙම ගිවිසුම මඟින් ඉංජිනේරු භාණ්ඩ, ඖෂධ, රෙදිපිළි, රසායනික ද්රව්ය, ඉලෙක්ට්රොනික උපකරණ, ප්ලාස්ටික් මෙන්ම මැණික් හා ස්වර්ණාභරණ වැනි ප්රධාන ක්ෂේත්ර රැසක අපනයන කටයුතු සැලකිය යුතු ලෙස ඉහළ යනු ඇතැයි ආර්ථික විශේෂඥයන් අපේක්ෂා කරනවා.
එමෙන්ම ස්වාභාවික මී පැණි, කජු, කටු රහිත මස්, බේකරි නිෂ්පාදන, චොකලට්, කිරි, චීස් සහ ශීත කළ මාළු වැනි නිෂ්පාදන රැසකට පළමු දිනයේ සිටම ඕමාන වෙළඳපොළට තීරුබදු රහිතව ඇතුළු වීමේ අවස්ථාව උදාවනවා.
භාණ්ඩ වෙළඳාමට අමතරව ගිණුම්කරණය, බදුකරණය, ගෘහ නිර්මාණ ශිල්පය සහ සෞඛ්ය සේවා වැනි වෘත්තීය ක්ෂේත්ර රැසක සේවාවන් සඳහා ද මෙමඟින් ලිහිල් ප්රතිපත්තීන් හඳුන්වා දී තිබෙනවා.
මීට ප්රතිචාර වශයෙන් ඉන්දියාව විසින් ද ඕමාන නිෂ්පාදන වන රටඉඳි, පෙට්රොකෙමිකල් සහ මාබල් (Marble) වැනි ද්රව්ය සඳහා විශේෂ බදු සහන ලබා දීමට පියවර ගෙන තිබෙනවා.
දෙරටේම සැපයුම් දාමයන් ශක්තිමත් කරමින් වෙළඳාම, ආයෝජන සහ සේවා සහයෝගීතාව ඉහළ නැංවීමට මහෝපකාරී වන මෙම ‘සීපා’ (CEPA) ගිවිසුම, ඉදිරි වසර කිහිපය තුළ ඉන්දියාව සහ ඕමානය අතර ආර්ථික සබඳතා නවතම මානයකට රැගෙන යනු ඇති.
source- https://timesofoman.com/article/172437-india-oman-cepa-comes-into-force-today-trade-between-two-countries-expected-to-rise-1
