අප්රිකාව සමඟ ඉන්දියාවේ සම්බන්ධතාවය “කැළඹිලි සහිත ලෝකයක ස්ථාවරත්වය පිළිබඳ පණිවිඩයක්” ලබා දෙන බව ඉන්දීය විදේශ කටයුතු අමාත්ය එස්. ජයශංකර් පවසනවා.
ඉදිරියේදී පැවැත්වීමට නියමිත 04 වන ඉන්දියා-අප්රිකා සංසද සමුළුවේ (IAFS-IV) තේමාව, වෙබ් අඩවිය සහ ලාංඡනය එළිදැක්වීමේ උත්සවයේදී අදහස් දක්වමින් ජයශංකර් පැවසුවේ, අප්රිකාව සමඟ ඉන්දියාවේ සබඳතා යටත් විජිත පාලනයෙන් නිදහස් වීම සඳහා වන පොදු අරගලය තුළ මුල් බැස ඇති බවයි.
දෙපාර්ශ්වය අතර සහයෝගීතාවයේ ප්රධාන ක්ෂේත්ර ලෙස සංවර්ධන හවුල්කාරිත්වය සහ ධාරිතා වර්ධනය වන බව ද ඉන්දීය විදේශ කටයුතු අමාත්යවරයා සඳහන් කළා.
ඉන්දියා-අප්රිකා සංසද සමුළුව මැයි 28 සිට 31 දක්වා පැවැත්වීමට නියමිතයි.
උත්සව අවස්ථාවට නවදිල්ලියේ පිහිටි අප්රිකානු රටවල දූත මණ්ඩල ප්රධානීන් සහ තානාපතිවරු සහභාගී වි සිටියා.
ඉන්දියා-අප්රිකා සංසද සමුළුවේ තුන්වන සංස්කරණය 2015 ඔක්තෝබර් මාසයේදී පැවැත්වුණා.
ඉදිරි සමුළුවේ තේමාව ‘කල්පවත්නා හවුල්කාරිත්වය – බෙදාගත් දැක්ම’ යන්නයි.
