Rajapura Handi Oil
Rajapura Diabetic Powder

ඉන්දියාවේ පළමු AI ප්‍රවෘත්ති නිවේදිකාව “ලීසා” මුල් වරට ප්‍රවෘත්ති කියයි

ඉන්දියාව පළමු වරට AI තාක්ෂණයෙන් ප්‍රවෘත්ති ඉදිරිපත් කිරීම ආරම්භ කර තිබෙනවා.

කෘතිම බුද්ධිය (AI) යොදවා ආසියානු කලාපයේ පළමු වරට ප්‍රවෘත්ති ඉදිරිපත් කිරීම මෙය බවයි විදෙස් මාධ්‍ය පෙන්වා දෙන්නේ.

ඉන්දියාවේ OdishaTV විසින් ඔවුන්ගේ AI ප්‍රවෘත්ති නිවේදිකාව වන ‘ලීසා’ මෙලෙස ප්‍රවෘත්ති ඉදිරිපත් කිරීමට යොදාගෙන තිබෙනවා.

ලීසාගේ ආරම්භක වචන වුයේ “හැමෝටම උණුසුම් සුබ පැතුම්. Namaste… I am Lisa,” යනුවෙන්.

OdishaTV නාලිකා ප්‍රධානියා වන Jagi Mangat Panda මෙම අවස්ථාව හඳුන්වා දී ඇත්තේ “රූපවාහිනී විකාශනයේ සහ ඩිජිටල් පුවත්පත් කලාවේ සන්ධිස්ථානයක්” ලෙසටයි.

‘ලීසා’ ට විවිධ දේශීය ඉන්දියානු භාෂාවලින් ප්‍රවෘත්ති ලබා දීමටත්, මැතිවරණ ප්‍රතිඵල සහ ඒ හා සමාන වේගවත් ප්‍රවෘත්ති ප්‍රතිචාර ඉතා වේගයෙන් ප්‍රේක්ෂකයින් වෙත ගෙන ඒමටත් හැකි වනු ඇති.

ඉදිරියේ දී ඇයගේ ප්‍රවෘත්ති ඉදිරිපත් කිරීමේ වැඩි දියුණු කිරීම් සිදු කිරීමට ද බලාපොරොත්තු වන බව ද OTV හි කළමනාකාර අධ්‍යක්ෂ Jagu Mangat Panday සඳහන් කළා.