ඉදිරියේ දී පැවැත්වෙන ජනාධිපතිවරණයේ දී තීරණය වන්නේ තමන්ගේ ජය හෝ පැරදුම නොව රටේ ජයග්රහණය හෝ පරාජය බව ජනාධිපති රනිල් වික්රමසිංහ පවසනවා.
ජනාධිපතිවරයා මේ බව සඳහන් කළේ බත්තරමුල්ල වෝටර්ස් ඒජ් හෝටල් පරිශ්රයේ දී පැවති පාර්ලිමේන්තු ආංශික අධීක්ෂණ කාරක සභාව සඳහා සහභාගී වූ තරුණ නියෝජිතයන් සමග ප්රතිපත්ති ප්රතිසංස්කරණ කතිකාවට එක්වෙමින්.
දැනට ක්රියාත්මක ආර්ථික වැඩපිළිවෙළ හැරණුකොට මෙරට දිනවිය හැකි වෙනත් වැඩපිළිවෙළක් කිසිදු ආණ්ඩුවකට නොමැති බව ජනාධිපතිවරයා පැවසුවා.
ආණ්ඩුවේ ගමන් මාර්ගය ආයෙත් ආපස්සට හැරුණොත් අනිවාර්යයෙන් ම පෝලිම් යුගයකට මුහුණදීමට සිදුවන බවයි ජනාධිපතිවරයා වැඩිදුරටත් සඳහන් කළේ.
විවිධ දේශපාලන පාර්ශ්ව විසින් මැතිවරණ වේදිකාවල විවිධ පොරොන්දු ලබා දුන්න ද, ඒ කිසිවෙකුටත් විනිවිදභාවයකින් යුත් දැක්මක් හෝ රට ගොඩගැනීමේ වැඩපිළිවෙළක් නොමැති බව ද වික්රමසිංහ මහතා පැවසුවා.
පුද්ගලයින්ගේ ප්රතිරූප දෙස බලා යළිත් වැරදි තීන්දු නොගත යුතු බව ද ජනාධිපතිවරයා පැමිණ සිටි පිරිස අමතමින් කියා සිටියා.
මෙම අවස්ථාවට ආර්ථික කටයුතු පිළිබඳ ජනාධිපති ජ්යෙෂ්ඨ උපදේශක ආචාර්ය ආර්. එච්. එස්. සමරතුංග, පාර්ලිමේන්තු නියෝජ්ය මහ ලේකම් චමින්ද කුලරත්න, ජනාධිපති නීතිඥ එරාජ් ද සිල්වා යන පිරිස එක් වුණා.
