20-20 ලෝක කුසලාන තරගාවලියේ පෙරළිකාර ජයක් වාර්තා කරන්නට ඇෆ්ගනිස්ථානය අද සමත් වුණා.
ප්‍රබල ඕස්ට්‍රේලියානු කණ්ඩායම පරාජය කරමින් ඇෆ්ගනිස්ථානය මෙම තරගය ජය ගත්තේ ලකුණු 21කින්.
ඒ අනුව මෙවර 20-20 ලෝක කුසලාන තරගාවලියේ සුපිරි 08 තරග වටයේ ලැබූ පළමු ජයග්‍රහණය වාර්තා කරන්නට ඇෆ්ගනිස්ථානයට හැකියාව ලැබුණා.
ඇෆ්ගනිස්ථානය සුපිරි 08 දෙනාගේ තරග වටයේ සහභාගී වූ පළමු තරගය ඉන්දියාව හමුවේ පරාජයට පත් වුණා.
බටහිර ඉන්දීය කොදෙව් දේශයේ කිංග්ස්ටන් හිදී පැවති අද තරගයේ පළමුව පන්දුවට පහර දුන් ඇෆ්ගනිස්ථානය නියමිත පන්දුවාර විස්ස තුළ කඩුලු 06 දැවී ලකුණු 148ක් රැස් කළා.
එහිදී මෙවර ලෝක කුසලානයේ දෙවන කඩුලු ත්‍රිත්වය වාර්තා කරන්නට ඕස්ට්‍රේලියානු ක්‍රීඩක පැට් කමින්ස්ට හැකි වූ අතර, ඔහු පිට පිට වාර්තා කළ දෙවන කඩුලු ත්‍රිත්වය මෙයවීම ද විශේෂත්වයක්.
ඇෆ්ගනිස්ථාන ඉනිම වෙනුවෙන් රහ්මානුල්ලා ගුර්බාස් ලකුණු 60ක් සහ ඊබ්‍රාහිම් සද්‍රාන් ලකුණු 51ක් රැස් කළා.
අනතුරුව පිළිතුරු ඉනිම ඇරඹු ඕස්ට්‍ර්ලියාවට පන්දුවාර 19යි පන්දු 02ක් තුළ ලබාගැනීමට හැකි වුයේ ලකුණු 127ක් පමණයි.
ඕස්ට්‍ර්ලියානු ජයග්‍රහණය කරා රැගෙන යාමට සටහන නිරත වූ ග්ලෙන් මැක්ස්වෙල් ලකුණු 51ක් රැස්කළ අතර, අනෙකුත් පිතිකරුවන්ට සාර්ථක වීමට ඇෆ්ගනිස්ථාන පන්දු යවන්නන් ඉඩ ලබාදුන්නේ නැහැ.
මෙම තරගයේ දී ඕස්ට්‍ර්ලියානු පික්තිකරුවන් මැඬ පැවැත්වීමට පන්දු යවන්නන් 08 දෙනෙක් යොදා ගැනීමට ඇෆ්ගනිස්ථාන නායකයා කටයුතු කිරීම විශේෂත්වයක්.
මෙහිදී ගුල්බඩින් නයිබ් සිය පන්දුවාර 04 තුළ ලකුණු 20ක් පමණක් ලබා දී කඩුලු 04ක් බිඳ දැමූ අතර, නවීන් උල්-හක් ලකුණු 20කට ඕස්ට්‍රේලියානු ඉනිමේ කඩුලු 03ක් බිඳ දැමුවා.
ඒ, අනුව මෙම තරගයෙන් ඇෆ්ගනිස්ථානය ලකුණු 21ක පෙරළිකාර ජයක් හිමි වුණා.
ඇෆ්ගනිස්ථානය විසින් ජාත්‍යන්තර 20-20 තරගයක දී ඕස්ට්‍රේලියව පරාජය කළ පළමු අවස්ථාව මෙය වීමද විශේෂත්වයක්.
