ඇමරිකාවේ කොරලරාඩෝ ප්රාන්තයේ බොල්ඩර් ප්රදේශයට ත්රස්ත ප්රහාරයක් එල්ල වී තිබෙනවා.
බොල්ඩර්හි පර්ල් වීදි සංකීර්ණයේ රැස්ව සිටි පිරිසකට පුද්ගලයකු විසින් පෙට්රල් බොම්බ ප්රහාරයක් එල්ල කර ඇති බවයි වාර්තා වුණේ.
ගාසා තීරයේ රඳවා සිටින ඊශ්රායල ප්රාණ ඇපකරුවන් සිහිකිරීම වෙනුවෙන් රැස් වූ පිරිසකට එම ප්රෙට්රල් බෝම්බ ප්රහාරය එල්ල වී ඇති බවයි විදෙස් වාර්තා සඳහන් කළේ.
ප්රහාරයෙන් 06 දෙනෙකු තුවාල ලබා ඇති අතර, ඔවුන් අතර බරපතල පිළිස්සුම් ලැබූවන්ද සිටින බව සඳහන්.
සිද්ධිය සම්බන්ධයෙන් මේ වනවිට 45 හැවිරිදි මොහොමඩ් සබ්රි සොලිමන් නැමැති සැකකරුවෙක් අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකරු 2023 වසරේ දී වීසා බලපත්රය කල් ඉකුත්ව නීති විරෝධී ලෙස ඇමරිකාව තුළ රැඳී සිටි ඊජිප්තු ජාතිකයෙකු බවටයි හඳුනාගෙන ඇත්තේ.
සැකකරු ප්රහාරය එල්ල කරන අවස්ථාවේ දී “පලස්තීනය නිදහස් කරන්න” යනුවෙන් කෑ ගැසූ බවයි නිලධාරීන් පැවසුවේ.
ඊශ්රායල විදේශ අමාත්යවරයා මෙම සිදුවීම යුදෙව්වන් ඉලක්ක කරගත් භයානක යුදෙව් විරෝධී ත්රස්ත ප්රහාරයක් ලෙස හඳුන්වන බවයි.
