හුදු ඡන්ද පොරොන්දු මගින් වර්තමාන ගුරුවරුන් රැවටිය නොහැකි බවත් ප්රායෝගිකව ක්රියාවට නැංවිය හැකි ක්රමවේදයක් අනුව සමස්ත රාජ්ය සේවයේම වැටුප් විෂමතා ඉවත් කර වැටුප් ඉහළ නංවන බවත් අධ්යාපන ඇමති සුසිල් ප්රේම්ජයන්ත් පවසනවා.
ඒ අනුව 2025 ජනවාරි සිට රාජ්ය සේවකයකුගේ අවම වැටුප රු. 55,000/-ක් වන බවත් අමාත්යවරයා සඳහන් කළා.
අමාත්යවරයා මේ බව පැවසුවේ ඒ මහතාගේ ප්රධානත්වයෙන් පැවති මාධ්ය දැනුවත් කිරීමේ වැඩසටහනකට සහභාගි වෙමින්.
මෙහි දී වැඩිදුරටත් අදහස් දක්වමින් අමාත්යවරයා කියා සිටියේ මුදල් අච්චු ගැසීමකින් තොරව බංකොලොත්භාවයෙන් රට මුදා ගත් පරිදිම ඉදිරි සැලසුම් ද සකස් කර ඇති බවයි.
වෙනත් දේශපාලන පක්ෂ ඊට වඩා වැඩි මුදලකින් පඩි වැඩි කරන බව පැවසුවත් ඊට අදාළ කිසිදු ප්රායෝගික ක්රමවේදයක් ඉදිරිපත් නොකිරීම නිසා මහජන විශ්වාසය දිනාගත නොහැකි බව ද අමාත්යවරයා ප්රකාශ කළා.
රජය සකස් කර ඇති අය-වැය සැලසුම් අනුව අවශ්ය ප්රතිපාදන සපයා ගැනීමේ ක්රමවේද හරහා මෙම වැටුප් වැඩිවීම ක්රියාවට නැංවීමේ දී ගුරුවරුන්ගේ වැටුප් ඉතා ඉහළ අගයකින් වැඩි වන බව ද හෙතෙම පවසා තිබෙනවා.
එසේම මෙම වැටුප් වැඩිවීම සිදු කරන බව රජය පවසන්නේ සහේතුක ව බවත් එම මහතා පැවසුවා.
රජය විසින් බංකොලොත්භාවයේ සිට වසර දෙකක් පමණ ක්රමානුකූල ව ගොඩනගාගෙන පැමිණෙන රටේ ආර්ථිකය ඉදිරියටත් වර්ධනය කිරීමේ හැකියාව හා පඩි වැඩි කිරීමේ සැබෑ හැකියාව වත්මන් රජය සතුව පවතින බව ද අමාත්යවරයා අවධාරණය කළා.
ඇත්තටම සතුටුයි