සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස අද (18) පෙරවරුවේ ස්විට්සර්ලන්තය බලා පිටත්ව ගොස් තිබෙනවා.
ඒ, ලෝක සෞඛ්ය සංවිධානයේ 78 වන වාර්ෂික මහා සමුළුවට සහභාගී වීම සඳහායි.
මෙම සමුළුව හෙට (19) සිට ලබන 27 දින දක්වා ස්විට්සර්ලන්තයේ ජිනීවා නුවර දී පැවැත්වෙන අතර, “එකම සෞඛ්යමත් ලොවක්” යන්න මෙවර එහි තේමාවයි.
මෙවර සමුළුව සඳහා ලෝක සෞඛ්ය සංවිධානයට ඇතුළත් සියලුම රටවල සෞඛ්ය අමාත්යවරුන් සහභාගී වීමට නියමිතයි.
මෙම සමුළුව සඳහා සියලු රටවල සෞඛ්ය ක්ෂේත්ර නියෝජනය කරමින් රාජ්ය නිලධාරීන් පන්දහසකට අධික ප්රමාණයක් ද මෙම සමුළුවට සහභාගී වීමට නියමිත බවයි වාර්තා වන්නේ.
සමුළුව සඳහා එක්වන සියලු පිරිස්වල සහභාගීත්වයෙන් මෙහිදී පුළුල් කථිකාවක් පැවැත්වීමට සැලැසුම් කර ඇති අතර එහිදී ඉදිරිපත් වන යෝජනා, අදහස් හා පර්යේෂණ දත්ත ආශ්රයෙන් ඉදිරි වසර තුළ ලොව පුරා සෞඛ්ය තත්ත්වයන් නඟා සිටුවීමට අවශ්ය ප්රතිපාදන සහ තීරණ ගැනීමටත්, ඊට අදාළ ඉදිරි සැලසුම් සකස් කිරීමටත් නියමිතයි.
මෙම සමුළුව සඳහා ශ්රී ලංකාව නියෝජනය කරමින් සෞඛ්ය හා ජනමාධ්ය අමාත්යවරයාට අමතරව සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ, එක්සත් ජාතීන්ගේ සංවිධානයේ ජිනීවා නිත්ය නියෝජිත හිමාලි අරුණතිලක, එක්සත් ජාතින්ගේ සංවිධානයේ ජිනීවාහි පළමු ලේකම් නිශාන්තිනි වික්ටර් යන අය ඇතුළු නිලධාරීන් කණ්ඩායමක්ද සහභාගී වනවා.
