ඇපල් සමාගමේ නවතම අයිෆෝන් ජංගම දුරකථනය ලබන 12 වැනිදා එළිදැක්වීමට නියමිතව තිබෙනවා.
මෙම නවතම අයිෆෝන් ජංගම දුරකථනය සඳහා, අනෙකුත් සන්නම් නාම යටතේ නිකුත් කරනු ලබන ජංගම දුරකථන සඳහා ද භාවිත කළ හැකි පොදු චාජරයක් (USB-C charging port) හඳුන්වා දීමට නියමිත බවයි තොරතරු වාර්තා වන්නේ.
පාරිභෝගිකයන් සඳහා පිරිවැය අඩු කිරීම සහ ඉලෙක්ට්රොනික අපද්රව්ය අවම කිරීමේ අරමුණින් යුරෝපීය සංගමයේ රෙගුලාසියකට අනුව ජංගම දුරකථන නිෂ්පාදකන සමාගම් 2024 දෙසැම්බර් වන විට පොදු ආරෝපණ සම්බන්ධතාවයක් (පොදු චාජරයක්) හඳුන්වා සිය යුතු වනවා.
එම රෙගුලාසි අනුගමනය කරමින් ඇපල් සමාගම මෑතකදී හඳුන්වාදුන් නවතම අයිපෑඩ් මොඩලය සඳහා USB-C වර්ගයේ චාජරයක් පාරිභෝගිකයා වෙත ලබාදීමට කටයුතු කර තිබෙනවා.
