ආසියාවේ පළමු Uber Shikara ජල ප්‍රවාහන බෝට්ටු සේවාව ඊයේ (02) ආරම්භ වුණා.
ඒ අසල්වාසී ඉන්දියාවේ ශ්‍රී නගර් හි දියි.
ශ්‍රී නගර් හි ප්‍රසිද්ධියක් උසුලන ඩල්වැව මත මෙම සේවාව ක්‍රියාත්මක කර තිබෙනවා.
මධුසමය ගත කරන්නන් සහ සංචාරකයින්ගේ ආකර්ෂණය උදෙසා මෙම ජල ප්‍රවාහන බෝට්ටු සේවය ක්‍රියාත්මකයි.
එහි පළමු ජල ප්‍රවාහන බෝට්ටු සේවය ඊයේ Uber Shikara නමින් එළිදැක්වුණා.
නිලධාරියෙකු පැවසුවේ සෑම Uber Shikara සවාරියක්ම පැයක කාලයක් සඳහා වෙන් කරවා ගත හැකි බවයි.
එක් බෝට්ටුවක මගීන් සිව්දෙනෙකුට පමණ ඉඩ සැලසෙනවා.
Uber Shikara සවාරි පැය 12කට පෙර හෝ දින 15කට පෙර වෙන් කරවා ගත හැකියි.
‘ශිකාරා’ යනු වර්ණවත් උඩු මහලකින් සරසා ඇති කුඩා බෝට්ටුවක්.
මෙම බෝට්ටු 1970 දශකයේ බොලිවුඩ් චිත්‍රපටවලින් පසුව ජනප්‍රියත්වයට පත් වුණා.
එනම් ෂාමි කපූර්ගේ ‘කාශ්මීර් කි කාලි’ සහ ශෂී කපූර්ගේ ‘ජබ් ජබ් ෆූල් ඛීලේ’ වැනි චිත්‍රපට ශිකාරා මත රූගත කෙරුණා.
