අයි.පී.එල් තරගාවලියේ රාජස්ථාන් රෝයල්ස් කණ්ඩායම සහ රෝයල් චැලෙන්ජර්ස් බැංගලූරු කණ්ඩායම ඊයේ (13) ජායිපූර් හිදී එකිනෙකා මුණගැසුණා.
මෙම තරගයෙන් ලකුණු 09ක ජයක් වාර්තා කිරීමට රෝයල් චැලෙන්ජර්ස් බැංගලූරු කණ්ඩාමට හැකියාව ලැබුණා.
මෙම තරගයෙන් අනතුරුව; රාජස්ථාන් රෝයල්ස් කණ්ඩායම නියෝජනය කරන ශ්රී ලංකා දඟ පන්දු යවන ක්රීඩක වනිඳු හසරංගට තමන්ගේ පිත්තක් ලබාදීමට සුපිරි පිතිකරු ව්රාට් කෝලි පොරොන්දු වී තිබෙනවා.
තරගයෙන් අනතුරුව රාජස්ථාන් පිළ නියෝජනය කරන වනිඳු හසරංග, මහිෂ් තීක්ෂණ සහ මෙවර තරගාවලියේ බැංගලූරු කණ්ඩාම නියෝජනය කරන නුවන් තුෂාර තිදෙනා සංවාදයක නිරතව සිටින ස්ථානයට විරාට් කෝලි පැමිණෙනවා.
එම අවස්ථාවේ දී කෝලි අතේ තිබූ පිත්ත පිළිබඳව වනිඳු හසරංග විමසා සිටිනවා.
එම අවස්ථාවේ කෝලි පවසන්නේ තමන්ගේ පිත්තක් ත්යාගයක් වශයෙන් වනිඳුට ලබාදෙන බවයි.
බැංගලූරු කණ්ඩායම සහ රාජස්ථාන් කණ්ඩායම මීළඟට එකිනෙකා බැංගලෝරයේ දී හමුවන අතර එම අවස්ථාවේ පිත්තක් වනිඳුට ලබාදීමටයි කෝලි පොරොන්දු වී ඇත්තේ.
කණ්ඩායම් දෙක අතර බැංගලෝර් තරගය අප්රේල් 24 වනදා පැවැත්වීමට නියමිතව තිබෙනවා.
වනිඳු මීට පෙර අයි.පී.එල් තරගවාරවල දී රෝයල් චැලෙන්ජර්ස් බැංගලූරු කණ්ඩායම නියෝජනය කරමින් කෝලි සමඟ එකට ක්රීඩා කළා.
