දකුණු චීන මුහුදේ “අස්ථාවර කිරීමේ ක්‍රියාමාර්ග” වැඩිවීම සම්බන්ධයෙන් පෙන්ටගනයේ ප්‍රධානී පීට් හෙග්සෙත් චීනයට චෝදනා කළ අතර චීන තර්ජනවලට ඒකාබද්ධව ප්‍රතිචාර දැක්වීමට උපකාර කිරීම සඳහා තාක්‍ෂණය සමඟ අග්නිදිග ආසියානු රටවලට සහාය වන බව පැවසුවා.
ඕස්ට්‍රේලියාව, ජපානය සහ පිලිපීනය සමඟ බහුපාර්ශ්වික සාකච්ඡා ඇතුළත් රැස්වීම්වලින් පිරුණු ක්වාලාලම්පූර්හි දෙවන දිනයේදී, හෙග්සෙත් ආසියාන් ආරක්ෂක අමාත්‍යවරුන්ට බෙදාගත් සමුද්‍රීය වසම් දැනුවත්භාවය ගොඩනැගීම සඳහා යෝජනා කළ අතර චීනය අන් රටවලට ගෞවරයක් නොමැතිකම පෙන්නුම් කර ඇති බවත් ඔවුන්ගේ භෞමික ස්වෛරීභාවයට තර්ජනය කර ඇති බවත් සඳහන් කළා.
පෙන්ටගන් ප්‍රධානියා මේ අදහස් පළ කළේ ඕස්ට්‍රේලියාව, නවසීලන්තය, පිලිපීනය සහ එක්සත් ජනපදය යන රටවල සන්නද්ධ හමුදා දකුණු චීන මුහුදේ අභ්‍යාසයක් පැවැත්වූ දිනකට පසුවයි.
යුද අභ්‍යාසය පිළිබඳ ප්‍රතිචාර දක්වමින් චීන හමුදා ප්‍රකාශකයෙකු පැවසුවේ, එය කලාපයේ “සාමය සහ ස්ථාවරත්වය බරපතළ ලෙස අඩපණ කළ” අභ්‍යාසයක් බවයි.
