වයස අවුරුදු 15ක දැරියක් සමඟ අඹුසැමි සම්බන්ධතාවයක් පවත්වා ඇයව දූෂණය කළ බව කියන පුද්ගලයෙක් උඩප්පුව පොලීසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මුන්දලම, පල්ලිවාසල්පාඩුව ප්රදේශයේ පදිංචි 22 හැවිරිදි තරුණයෙක් බවයි වාර්තා වුණේ.
දැරිවිය අනුරාධපුර ප්රදේශයේ පදිංචිකාරියක් වන අතර, ඇයගේ මව රැකියාවක් සදහා මීට මාස 08 කට පමණ පෙර විදේශ ගතවී ඇති බවයි තොරතුරු වාර්තා වන්නේ.
පියා සමඟ නිවසේ සිට ඇති මෙම දැරියට මීට මාස කීපයකට පෙර මව විසින් නවීන පහසුකම් සහිත ජංගම දුරකථනයක් විදේශයේ සිට එවා තිබෙනවා.
එම ජංගම දුරකථනයෙන් දියණිය සමාජ මාධ්ය ගිණුමක් ආරම්භ කර පවත්වා ගෙන ගොස් ඇති අතර, එහිදී සැකකාර තරුණයා හඳුනාගෙන ඇති බවයි අනාවරණය වී ඇත්තේ.
එහිදී දැරිය සැකකරුට පවසා ඇත්තේ තමන්ට වයස අවුරුදු 17ක් බවයි.
ඒ, අනුව දෙදෙනා අතර ප්රේම සම්බන්ධතාවයක් ගොඩනැඟී ඇති අතර, එහි ප්රතිඵලයක් ලෙස පසුගිය වසරේ පොසොන් පොහොය දිනයේ දී දැරිය තම මව්පියන්ට හොර රහසේ අනුරාධපුරයේ දී පළමු වරට පෙම්වතා මුණ ගැසී තිබෙනවා.
අනතුරුව ඉකුත් වසරේ අගෝස්තු මස 07 වනදා රාත්රී කාලයේ මව්පියන්ට හොර රහසේ බස් රථයක නැගී දැරිය අනුරාධපුරයේ සිට මදුරන්කුලියට පැමිණ ඇති බවට තොරතුරු වාර්තා වනවා.
ඒ, අනුව තමන් පැමිණි බව පෙම්වතාට දැනුම්දීමෙන් පසුව ඔහු පැමිණ ත්රීරෝද රථයකින් දැරියව පෙම්වතා විසින් ඔහුගේ නිවසට කැදවාගෙන ගොස් ඇති බවයි වාර්තා වන්නේ.
එදින සිට තමා සසහ පෙම්වතා අඹුසැමි සම්බන්ධතා පැවැත්වූ බවයි දැරිය පොලිසිය හමුවේ පවසා ඇත්තේ.
නිවසින් අතුරුදහන් වී සිටි තම දියණිය සොයාගෙන ඉකුත් 29 වනදා විසින් මුන්දලම, පල්ලිවාසල්පාඩුව ප්රදේශයට ගොස් ඇති අතර, පසුව පියා තම දියණිය ද කැටුව පැමිණ මේ සම්බන්ධයෙන් උඩප්පුව පොලීසියට පැමිණිලිකර තිබෙනවා.
එම පැමිණිල්ලට අනුව බාල වයස්කාර දැරියක් දූෂණය කිරීම සම්බන්ධයෙන් සැකකාර තරුණයා පොලීසිය විසින් අත්අඩංගුවට ගෙන ඇති අතර, දැරිය වෛද්ය පරීක්ෂණයක් සදහා හලාවත මහ රෝහලේ අධිකරණ වෛද්ය නිලධාරීවරයා වෙත යොමු කිරීමටයි කටයුතු කර ඇත්තේ.
සැකකරු පුත්තලම මහේස්ත්රාත් අධිකරණයට ඉදිරිපත් කිරීමට නියමිතයි.
අධ්යාපනය ඉතා අවශ්ය යි