වයස අවුරුදු 13ක බාල වයස්කාර දැරියක් දූෂණය කර ඇයව ගැබිනියක් කළ පුද්ගලයෙක් ලිඳුල පොලිසිය මඟින් සැකපිට අත්අඩංගුවට ගෙන තිබෙනවා.
අද (22) අලුයම මෙලෙස අත්අඩංගුවට ගෙන ඇත්තේ වයස අවුරුදු 401ක දෙදරු පියෙක් බවයි වාර්තා වන්නේ.
මෙම දැරියගේ හැසිරීම සම්බන්ධයෙන් සැක සිතුනු දැරිය ඉගෙනුම ලබන පාසලේ ගුරුවරියක් විසින් එම පාසල් සිසුවියගේ මව වෙත මේ පිළිබඳව දැනුම් දී තිබෙනවා.
පසුව මව විසින් ඒ සම්බන්ධයෙන් දැරියගෙන කරුණු විමසා ඇති අතර, පසුව සිද්ධිය පිළිබඳව ඊයේ (21) ලිඳුල පොලිසිය වෙත පැමිණිල්ලක් සිදුකර ඇති බවයි තොරතුරු වාර්තා වුණේ.
ලිඳුල පොලිසියේ ළමා හා කාන්තා කාර්යාංශයේ නිලධාරින් විසින් එම දැරිය රෝහල් ගතකර වෛද්ය පරීක්ෂණයකට යොමුකර ඇති අතර, එහිදී ඇය මාස දෙකක ගැබිණියක් බවට තහවුරු වී තිබෙනවා.
අනතුරුව දැරිය නුවරඑළිය දිස්ත්රික් මහ රෝහලේ අධිකරණ වෛද්යවරයා වෙත යොමු කිරීමටයි කටයුතු කර ඇත්තේ.
අත්අඩංගුවට ගැනුණු සැකකරු පාසල් සිසුවිය පදිංචි වතුයායේම පදිංචිකරුවෙක් වන අතර ඔහු අද (22) නුවරඑළිය මහේස්ත්රාත් අධිකරනය වෙත ඉදිරිපත් කිරීමට නියමිතයි.
අවුරැදු 401 ට ලමයි 2 ඉන්නේ පරම්පා 10ක් විතරනේ