අරගලය මූලික වශයෙන් මෙහෙයවනු ලැබුවේ එක්සත් ජාතික පක්ෂය වන අතර එය ජනාධිපති උපදේශක ආශු මාරසිංහ විසින් ද පිළිගත් බව පාර්ලිමේන්තු මන්ත්‍රී ඩිලාන් පෙරේරා පවසනවා.
අරගලය මාර්ගයෙන් ජනාධිපති ධුරයට පත්වූ රනිල් වික්‍රමසිංහ පසුව අරගලය මැඩපැවැත්වීමට කටයුතු කළ බවයි ඔහු පෙන්වා දෙන්නේ.
තිදස ෆේස්බුක් පාර්ලිමේන්තුව දේශපාලන වැඩසටහන සමග එක්වෙමින් මන්ත්‍රීවරයා මෙම අදහස් පළ කළා.
මහින්ද රාජපක්ෂ අගමැති ධුරයෙන් ඉවත් වීමෙන් අනතුරුව වත්මන් ජනාධිපති රනිල් වික්‍රමසිංහ මහතා තැබූ ට්විටර් සටහනක් ද මන්ත්‍රීවරයා මෙහිදී හෙළි කළ අතර ඔහු පෙන්වා දුන්නේ අරගලය පිටුපස පැවති කුමන්ත්‍රණයේ අරමුණ වූයේ මැතිවරණයකින් බලයට පත්වීමට නොහැකි රනිල් වික්‍රමසිංහ මහතා බලයට ගෙන ඒමට බව ද ඩිලාන් පෙරේරා මහතා ප්‍රකාශ කරනවා.
ඔහු මෙහිදී කියාසිටියේ ඉඩම් සහ ප්‍රජා පොලිස් බලතල පළාත් සභාවලට පවරා දීමට ද විරුද්ධත්වයක් නොමැති බවයි.
