අමෙරිකා එක්සත් ජනපදයේ රාජ්ය දෙපාර්තමේන්තුවේ දකුණු හා මධ්යම ආසියානු කටයුතු කාර්යාංශයේ සහකාර රාජ්ය ලේකම් ඩොනල්ඩ් ලූ මහතා දිවයිනට පැමිණ තිබෙනවා.
අද (05) අලුයම කටුනායක ගුවන් තොටුපොළ වෙත ඒ මහතා පැමිණි බව ගුවන් තොටුපොළ කාර්යය භාර නිලධාරීවරයා සනාථ කළා.
ඩොනල්ඩ් ලූ මහතා සමග එරට රාජ්ය දෙපාර්තමේන්තුවේ තවත් උසස් නිලධාරීවරයෙකු ද දූත පිරිස ලෙස පැමිණ තිබෙනවා.
ඔවුන් අලුයම 02.55 ට දෝහා නුවර සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් මෙරටට පැමිණි බවයි වාර්තා වන්නේ.
ඔවුන් පිළිගැනීමට ශ්රී ලංකාවේ අමෙරිකානු තානාපති කාර්යාලයේ නිලධාරීන් පිරිසක් සහ ශ්රී ලංකා විදේශ කටයුතු අමාත්යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.
