නීතිවිරෝධී ජනරාශියක් ලෙස රැස්වෙමින් පාර්ලිමේන්තුව ඉදිරිපිටදී පොදු දේපලවලට හානිකිරීමේ වරද යටතේ අත්අඩංගුවට ගෙන රක්ෂිත බන්ධනාගාරගත කර සිටින අන්තර් විශ්ව විද්‍යාලයීය ශිෂ්‍ය බලමන්ඩලයේ කැදවුමකරු වන වසන්ත මුදලිගේ තලංගම පොලිස් ස්ථානය තුල රදවා සිටින විට ඔහු හමුවීමට විපක්ෂ නායක සජිත් ප්‍රේමදාස මහතා මෙන්ම පෙරටුගාමී පක්ෂයේ නායකයින්ද , දේශපාලකයින්ද , නීතිඥයින් රැසක්ද පැමිණි බවත් ඔහු මේ වන විට අවස්ථා ගනනකදී අධිකරණය හමුවට පමුණුවා ඇති බවත් , ඔහු බන්ධනාගාරගතව මාස 3කට වැඩි බවත් , බන්ධනාගාර නිලධාරීන්ට හෝ මෙපමණ කලක් නොකිවූ ඔහු තලංගම පොලිස් අත්අඩංගුවේ සිටියදී බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතා ස්ථානාධිපති තලංගම වන තමන්ගේ රාජකාරි ජංගම දුරකථනය හරහා ඔහු අමතා තර්ජනය කලායැයි අසත්‍ය කථාවක් ඇප ලබා ගැනීමේ අරමුණින් පමණක් දේශපාලඥයින්ගේ උපදෙස් මත කර ඇති බවත් , තමා තලංගම ස්ථානාධිපති වශයෙන් කිසිදු අවස්ථාවක ජ්‍යෙෂ්ඨ නියෝජ්‍ය පොලිස්පතිවරයා එසේ වසන්ත මුදලිගේ යන අයට තර්ජනයක් නොකල බව වගකීමෙන් දන්වා සිටින බවත් අද (26) කඩුවෙල අධිකරණයේ මෙම නඩුව කැදවූ අවස්ථාවේ ගරු අධිකරණය හමුවේ ප්‍රකාශ කර සිටින ලදී.
සියළු කරුණු සලකා බැලූ කඩුවෙල මහේස්ත්‍රාත්වරයා වසන්ත මුදලිගේ ඇතුළු සැකකරුවන් නොවැම්බර් 09 දක්වා නැවතත් රක්ෂිත බන්ධනාගාරගත කිරීමට නියෝග කරන ලදී.
